媽咪隨意屋 (Closed)

今日放Lunch同同事去咗試呢間泰式小店 - 媽咪隨意屋。唔好睇佢舖頭細細，裝修好企理好靚。門口仲有落地大玻璃，返工放Lunch嚟relax下真係一個好選擇。我同幾個同事分別叫咗冬蔭公泡飯同豬牛一家親。特別推介嘅係冬蔭公泡飯，因為配料好豐富: 有蝦、雜菇、秋葵同椰菜。蝦大隻不特只，仲爽口彈牙。冬蔭公湯底酸香但唔會太辣，好適合香港人口味。蔬菜索哂湯底食落好野味同開胃。除咗主食，我地仲追加咗牛肉丸串燒、豬肉丸串燒、蒜香雞翼(半份)同椒鹽一口豆腐(半份)。餐廳仲安排咗醬料同調味粉俾我地配搭串燒同炸物，令人好懷念BBQ嘅感覺呢！跟餐價亦只係10蚊，抵食又過癮！餐廳仲有推介佢地嘅下午茶餐，價格都好親民，大約30蚊就有交易。下次外賣叫下午茶一定揀佢呢！