帝景軒 (Closed)

自己絕對唔係鐘意食BUFFET既人，但見到有張6折COUPON，真係認唔住叫阿老豆請我去食 自問都唔鐘意學人寫食評，但今次即管學人寫吓啦…冷盤有凍海鮮及刺身壽司。凍海鮮有海蝦、青口、蟹腳、螺肉都算新鮮。刺身有三文魚、油甘魚、吞拿魚、八爪魚及螺片。我都係最歡喜吃三文魚，但我最尾竟然食得最多係油甘同螺片，其他刺身鮮甜度都算合格。沙律都有好幾款，有幾款沙律醬俾人用，有款幾特意，但唔知係咩醬，好似蛋黃醬咁，另外有款細細杯煙三文魚杯，卷到好似朵玫瑰花咁，怪住食唔記得影相。熱盤我真係反而無咩特別興趣，但我都有照食我最LIKE既海鮮，燒帶子、炸蠔、秋刀魚、軟殼蟹，帶子都OK大隻，但D炸蠔就麻麻地，可能我唔鐘意D炸粉，軟殼蟹再大隻D就好囉 。另有車仔麵檔，即叫即整，還可以啦。甜品款式相對較多，我絕對要俾10個LIKE佢，因為佢有6款Haagen Dazs雪糕任食，超正呀，其他甜品杯及蛋糕款式算多，但又唔可以講話10個出色，但又唔差囉，無咩特別咁。