UFUFU CAFE (Tower 535)

Open Now

Now Closed

有時約咗朋友喺銅鑼灣都唔知食咩，今日諗起之前路過見到喺SOGO後面有一間餐廳嘅裝飾好靚，有好大個玻璃窗，於是就同朋友去咗嗰一間餐廳。原來餐廳係日式嘅西餐，有漢堡、咖喱、牛扒等等嘅餐點可以選擇，款式好多樣，而且仲可以加配套餐。💙最重要係我覺得餐廳嘅樓底好高，坐起上嚟好舒服，喺銅鑼灣唔知食咩嘅時候，不妨可以嚟呢一間日式西餐餐廳試一試。🧆玉子醬油燒雞腿漢堡+套餐 $108+$38見到佢哋餐廳主打唔同嘅漢堡，每一款味道都好有特色，最有特色就係呢款有好長嘅玉子燒加超巨型雞扒嘅漢堡。餐牌上面嘅玉子腸得好誇張，本身諗住個漢堡應該唔會太大，點知條玉子真係好似餐牌上面咁，雞扒仲要超厚超大，食完真係撐住個肚。🥹壽喜燒牛肉烏冬+套餐 $128+$38冬天梗係唔少得食壽喜燒，佢呢個壽喜燒有烏冬底，加埋金菇，肥牛等等嘅配菜，味道不過不失，但係對於暖胃嚟講係一流☺️。