Video
Read full review
2021-05-20
3524 views
香港自開埠至今超過100年歷史，有唔少古舊建築會被活化成博物館，有啲就會活化成餐廳。為咗慶祝我同A姐相識100個月紀念，我哋就嚟到前身為和昌大押，依家活化成西餐廳，位於灣仔嘅The Pawn嘆一餐別具意義嘅Fine Dine！餐廳活化後仍保留住和昌大押嘅外觀，由4幢樓高4層嘅長廊式陽臺唐樓組成。坐低之後，店員除咗向我哋推介餐廳嘅美食之外，亦同我哋分享呢幢建築物嘅小小歷史，原來和昌大押建成於1888年至1900年，現址嘅土地係仲係由填海所得，我哋都非常驚訝，原來100年前香港已經有填海技術。Bread Platter嚟食西餐，第一道菜又點少得烘焙拼盤呢？呢度嘅麵包自家製，有2款供應。其中一款係薄身，好似餅乾咁，脆卜卜好香脆；另一款就係切件長麵包，麵包軟熟，熱辣辣，搽上牛油一齊食就係A姐最鍾意嘅配搭。Beef Carpaccio用上嚟自日本嘅和牛西冷，和牛薄切，上面放有火箭菜。牛肉特意選上西冷，脂肪比例唔多，增添口感。Scampi呢個蝦超好味呀！蝦身預先切開，整到半熟，食嘅時候好似食炙燒嘅感覺。蝦頭勁多膏，好鮮甜；蝦肉彈牙，半生熟，非常新鮮。Sole原條比目魚配上香料再烤熟，所以魚肉除咗嫩
餐廳活化後仍保留住和昌大押嘅外觀，由4幢樓高4層嘅長廊式陽臺唐樓組成。坐低之後，店員除咗向我哋推介餐廳嘅美食之外，亦同我哋分享呢幢建築物嘅小小歷史，原來和昌大押建成於1888年至1900年，現址嘅土地係仲係由填海所得，我哋都非常驚訝，原來100年前香港已經有填海技術。
Bread Platter
嚟食西餐，第一道菜又點少得烘焙拼盤呢？呢度嘅麵包自家製，有2款供應。其中一款係薄身，好似餅乾咁，脆卜卜好香脆；另一款就係切件長麵包，麵包軟熟，熱辣辣，搽上牛油一齊食就係A姐最鍾意嘅配搭。
Beef Carpaccio
用上嚟自日本嘅和牛西冷，和牛薄切，上面放有火箭菜。牛肉特意選上西冷，脂肪比例唔多，增添口感。
Scampi
呢個蝦超好味呀！蝦身預先切開，整到半熟，食嘅時候好似食炙燒嘅感覺。蝦頭勁多膏，好鮮甜；蝦肉彈牙，半生熟，非常新鮮。
Sole
原條比目魚配上香料再烤熟，所以魚肉除咗嫩滑，仲入晒味。比目魚除咗一條大骨，基本上都係啖啖肉，所以就算怕食魚嘅A姐都非常鍾意。
Red Prawn
意粉條條都掛上西班牙紅蝦製成嘅醬汁，勁掛汁，好惹味呀！至於西班牙紅蝦份量多，預先起殼，食得夠晒方便。
Carbonara
呢度嘅Carbonara除咗夠creamy之外，仲多咗份油香，點解？因為廚師用咗豬嘅面珠墩炒香醬汁，令意粉食嘅時候更香濃。
Tiramisu
呢度既tiramisu係將軟芝士整成cream狀，質感輕盈幼滑，而入面有唔少朱古力脆粒同綿花糖，令口感更豐富又充滿濃郁榛子味。
Panna Cotta
呢個奶凍非常好味，奶香細滑，最重要係加埋旁邊嘅紅桑子一齊食，好fresh又可以消滯，為呢個晚餐畫上完美句號。
Post
