B-mix 燒肉餐酒館 (Closed)

我個fd係食肉獸，所以今日搵燒肉食，search到元朗呢間燒肉店，除左食燒肉，仲有活白鰻魚，試下先。安格斯牛頸脊，配燒肉汁，個牛味重，肉質食落又軟腍。厚燒牛舌心，食落爽口得黎又夾住啲脂肪。柚子胡椒蜜糖五花肉，個柚子好突岀好清新，原本五花肉好多脂肪個種油膩感中和左，配搭得好好。蕯摩赤雞腿肉，好厚雞脾肉，配上秘製鹽醬，正！海苔米飯，有紫菜、芝麻、成個飯好香脆。砵仔蒜茸牛油野菌，成盤燒好方便，仲要濃濃蒜茸味，拌飯一流。活白鰻魚，壓軸呢個白鰻原條上，仲有好多肉，食落係爽架索索聲，正宗新鮮活鰻就係咁啦，除左鰻魚汁，配白胡椒食都好正！飲品就叫左水果茶、百香果茶，飲品都好靚仔。