ADO洋食屋

Open Now

Now Closed

平日五點幾去到完全無人，不用排隊。小店裝修充滿昭和復古風味，非常有氣氛。相信唔少人尼依間餐廳都係為咗食蛋包飯，一於就叫兩個唔同味道試下啦！明太子奶醬蛋包飯 $118賣相相當吸引，一𠝹開奄列蛋啲蛋就好似瀑布般瀉晒出嚟，係完美既流心效果😍飯就係蕃茄炒飯含有洋蔥粒，炒得夠乾身而且味道非常入味，但略嫌有啲散。明太子醬亦相當濃郁，帶有丁點兒既辣味。經典日式牛肉醬汁蛋包飯$86醬汁有好厚牛肉味，醬汁味道比明太子奶醬好食。飯都係一樣既蕃茄炒飯，份量都唔細。雞蛋同樣濕潤又滑，𠝹開後亦同樣完美包覆住啲飯。雖然餐廳裝修同蛋包飯都好打卡，但性價比好低，依個價錢仲要再收加一，只係得蛋、飯同無餡無肉既醬汁係幾貴。試過一次，下次都唔會再去，打過卡就算。