Candy Shake (Closed)

作為芝士控，去到旺角又點能夠唔拜會一下Candy shake ? 一入門口，已經有一大盤芝士撻等住你！入面有各款唔同既口味，連芝士都有酥皮同曲奇皮兩款口味 呢個酥皮芝士撻因為有太陽燈照住，仍能保持熱辣辣既口感。打開芝士餡，流心芝士仍保持流狀，加上鬆脆酥皮，口感為之一讚！ 食到口乾？可以叫番杯奶昔。今次就聽店員推介，混合 7號 (占卜提子糖) 同21號 (Dove 朱古力) 兩隻口味黎飲。 飲起黎個感覺唔會好膠，反而係朱古力味之中又有一d 脆粒，唔會只有普通奶昔咁單調。 奶昔表面都造得好有心思，仲有candy shake 字樣既朱古力。 想飽肚一D ? 不妨試下流心大判燒，可以一叫20 粒，有芝士，綠茶，朱古力，草莓4種口味。每種都有流心餡，鐘意流心野食既一定唔可以錯過！