Video
Read full review
2023-07-02
136 views
自從Alton同花姐嚟咗「Myth House」拍攝，我一直都好想嚟打卡😍 今次終於了咗我呢個心願😚 「Myth House」係一間藍白色嘅三層小屋，牆身有希臘女神礕畫，有濃厚希臘風情，以為自己去咗旅行呀🥰 其實呢度係一間多國菜西餐廳，除咗打卡之外食物都好有質素㗎😋 廚師以多國fusion菜結合流浮山特色食材，用心製作出獨一無二嘅菜式，又睇得又食得🤤！ 7月嘅逢星期六仲會有Live Band Show添，勁chill啊☺️🍽️ Myth House Set Dinner 4- Course (HK$498)🍽️ Myth House Tasting Menu 7- Course (HK$768)🍞 前菜：🦪 法國吉拉多生蠔🥗 神話屋凱撒沙律兩個餐嘅前菜都可以揀生蠔或沙律，生蠔好大隻好肥美😍 配上檸檬汁同生蠔醬一啲都唔腥，好味😋！ 沙律配上果乾、脆麵包粒同芝士粉，加上爽口嘅沙律菜，口感層次豐富😚🍲 湯類：🦪 流浮山蠔周打湯🐮 番茄牛肉濃味清湯蠔湯好澀身好足料！ 佢香得嚟又好creamy☺️ 番茄牛肉湯由職員喺我哋面前將湯倒入，個湯睇落好清澈，但其實用咗牛腩煲成，非常濃郁㗎🥰🍳 頭盤：🍣 低溫慢煮
自從Alton同花姐嚟咗「Myth House」拍攝，我一直都好想嚟打卡😍 今次終於了咗我呢個心願😚
「Myth House」係一間藍白色嘅三層小屋，牆身有希臘女神礕畫，有濃厚希臘風情，以為自己去咗旅行呀🥰 其實呢度係一間多國菜西餐廳，除咗打卡之外食物都好有質素㗎😋 廚師以多國fusion菜結合流浮山特色食材，用心製作出獨一無二嘅菜式，又睇得又食得🤤！ 7月嘅逢星期六仲會有Live Band Show添，勁chill啊☺️
🍽️ Myth House Set Dinner 4- Course (HK$498)
🍽️ Myth House Tasting Menu 7- Course (HK$768)
🍞 前菜：
🦪 法國吉拉多生蠔
🥗 神話屋凱撒沙律
兩個餐嘅前菜都可以揀生蠔或沙律，生蠔好大隻好肥美😍 配上檸檬汁同生蠔醬一啲都唔腥，好味😋！ 沙律配上果乾、脆麵包粒同芝士粉，加上爽口嘅沙律菜，口感層次豐富😚
🍲 湯類：
🦪 流浮山蠔周打湯
🐮 番茄牛肉濃味清湯
蠔湯好澀身好足料！ 佢香得嚟又好creamy☺️ 番茄牛肉湯由職員喺我哋面前將湯倒入，個湯睇落好清澈，但其實用咗牛腩煲成，非常濃郁㗎🥰
🍳 頭盤：
🍣 低溫慢煮三文魚配水瓜柳檸檬忌廉汁
7-course餐仲有呢個慢煮三文魚，本身以為會係冷盤，原來三文魚係暖身嘅，魚肉嫩滑，配上嘅汁好refreshing🥰
🍛 飯類：
🍤 龍蝦汁意大利飯配扒海鮮
7-course會有多個飯，呢個意大利飯好正宗，係煮到飯芯仍有啲硬身嘅🤩 仲有龍蝦汁超濃郁超香，好推薦！呢個飯仲有鮮蝦、蜆、魷魚等海鮮添😛
是日雪葩
7-course set 仲有個雪葩，比我哋喺食主食前清清個口腔，非常貼心🤗
🥩 主食：
🐥 65°C慢煮法國黃油香雞
🐏 +$78升級)炭燒澳洲羊扒
兩個餐都可以揀香雞或牛面頰作為主菜，我哋就將其中一個升級揀咗羊架😋 黃油雞煮得超香，肉質嫩滑超易切，好味🤤！ 羊架嘅肉好厚實，香得嚟一啲都唔膻😛 兩個主食都有好好味嘅千層薯仔同唔同嘅蔬菜作為伴碟～
🍨 精選甜品：
🧁 雲尼拿梳乎厘配雲尼拿雪糕
🍰 朱古力布甸撻配雲尼拿雪糕
甜品好驚喜！ 估唔到跟餐嘅甜品都咁大份同好食😍！
🥂 飲品
🍵 茉莉花綠茶 （$42）
跟餐亦可加配酒類飲品，其他飲品就要單叫，要揸車嘅我哋就嗌咗一壼茶，店員仲好好會主動幫我哋refill🥰
Post
