新陶園海鮮酒家

Open Now

Now Closed

流浮山一向出名食海鮮，大大小小都有好多間酒家。食咗咁多年嚟講，要坐得舒服又好食，就真係非依間莫屬👍🏻星期日訂座6點，時間算早去到唔多人。環境寬敞坐得舒服，侍應招呼快兼有禮。上菜時間算快唔駛點等，可能因為早食。就連加水都一叫就有人埋嚟，好高效😆豉油王大蝦🍤招牌菜，非試不可！外脆內軟，豉油味香而不鹹。乾身夠鑊氣，唔會油淋淋。連殼都食埋，超正😋沙巴龍躉兩食（炒球+炆骨）🐟炒球魚肉爽口彈牙，魚皮煙韌帶膠質。炆骨香脆惹味，送酒一流，又係非試不可👍🏻豉椒炒蟶子肉夠大隻飽滿，爽口冇沙。豉汁惹味，撈埋煎米粉底又另一番味道。薑蔥鮑魚煲🥘鮑魚剛剛熟，軟滑彈牙。充滿薑蔥香味，聞到都已經流口水🤤第一次食絕對有驚喜👍🏻蒜蓉粉絲蒜元貝元貝蒸得剛好唔韌，蒜汁加埋粉絲都係一貫食法。粉絲有先浸軟再蒸，咬落唔會硬。招牌炒飯飯炒得夠乾身大碟，好多配料。食落似楊洲炒飯嘅味道。