四季禅 (Closed)

剛剛同事去咗呢間位於登龍街MIDTOWN 29樓嘅四季禪，食完之後話拍拖真係一流，特別佢個超正海景，話可以一邊食一邊吹水非常之正。而最後。。竟然同咗幾個朋友一齊去食。餐廳內舒適度十足，而且仲有個無敵海景，非常浪漫。晚餐時段可以選擇半自助形式餐單，自助食物質數都好高，當中有沙律、壽司刺身、熟食、甜品等等大約有十多款任吃的食物。另外更有主菜，每款$488-$688。壽司種類都有好多選擇，特別帶子壽司嘅帶子除咗厚身之外亦非常新鮮，忍唔住都食咗六件。炸天婦羅外脆內彈牙，粉漿亦都唔會好厚非常鮮嫩。鵝肝必食推介，如果鍾意食鵝肝一定鍾意，鵝肝甘香厚身真係好難抗拒。澳洲羊架配赤味噌照燒汁 $688當晚我就叫咗澳洲羊架配赤味噌照燒汁 ，上到枱已感受到佢香噴噴嘅味道，羊架煮得剛剛好非常惹味，而赤味噌照燒汁係平時嘅餐廳都好小食到風味十足。