Video
Read full review
2022-09-02
1163 views
呢間餐廳喺長沙灣地鐵站轉幾個街口, 個門面係黑色而且出邊有好多植物, 好容易認得出我哋嗌咗美國重量級安格斯肉眼扒配薯菜，上碟嘅時候都覺得好驚喜，因為佢嘅擺碟好有創意同埋好細緻一粒粒薯仔🥔好似啲骰仔咁，排得亂中有序，最得意係有三塊蔬菜企到直筆甩咁，仲有幾條菜伴住佢。喺碟上邊仲有三隻色嘅汁，分別係芥末汁、沙律醬同埋薄荷汁，佢擺到好似有條隧道咁，真係好搞笑😆至於塊牛扒，我哋嗌咗五成熟，煎得剛剛好，上面有啲黑椒，都好夠味，而且唔硬另一個我哋嗌咗黑松露忌廉芝士汁扭繩粉，原來呢個pasta 係一條條短短地嘅，我本着一試無妨嘅心態去叫，果然有驚喜！就係因為佢短短地，所以你每次食都會用匙羹，然後就可以沾滿到好多忌廉汁！佢啲忌廉汁同埋芝士汁配合得恰到好處，另外佢都有好多蘑菇，令你唔會覺得dry兩個主菜我都加咗$38升級套餐一個要是日餐湯, 其實係羅宋湯, 但呢個羅宋湯好多配料同埋味道好濃郁油醋汁沙律, 上邊有好多脆口嘅配料，最搞笑係有七粒由最大至最細嘅沙律汁，可見廚房真係好用心擺盤最後我哋嗌咗兩杯嘢飲朱古力曲奇沙冰，份量啱啱好，甜度亦都啱啱好，加埋上高嘅cream，入落口一啲都heavy, 好味蘋果薑果
我哋嗌咗美國重量級安格斯肉眼扒配薯菜，
上碟嘅時候都覺得好驚喜，因為佢嘅擺碟好有創意同埋好細緻
一粒粒薯仔🥔好似啲骰仔咁，排得亂中有序，最得意係有三塊蔬菜企到直筆甩咁，仲有幾條菜伴住佢。
喺碟上邊仲有三隻色嘅汁，分別係芥末汁、沙律醬同埋薄荷汁，佢擺到好似有條隧道咁，真係好搞笑😆
至於塊牛扒，我哋嗌咗五成熟，煎得剛剛好，上面有啲黑椒，都好夠味，而且唔硬
另一個我哋嗌咗黑松露忌廉芝士汁扭繩粉，原來呢個pasta 係一條條短短地嘅，我本着一試無妨嘅心態去叫，果然有驚喜！就係因為佢短短地，所以你每次食都會用匙羹，然後就可以沾滿到好多忌廉汁！佢啲忌廉汁同埋芝士汁配合得恰到好處，另外佢都有好多蘑菇，令你唔會覺得dry
兩個主菜我都加咗$38升級套餐
一個要是日餐湯, 其實係羅宋湯, 但呢個羅宋湯好多配料同埋味道好濃郁
油醋汁沙律, 上邊有好多脆口嘅配料，最搞笑係有七粒由最大至最細嘅沙律汁，可見廚房真係好用心擺盤
最後我哋嗌咗兩杯嘢飲
朱古力曲奇沙冰，份量啱啱好，甜度亦都啱啱好，加埋上高嘅cream，入落口一啲都heavy, 好味
蘋果薑果粒茶，如圖所示佢會比一大玻璃樽你，你可以自己加蜜糖嚟飲。呢個飲完之後喉嚨好舒服
整體來講呢間餐廳好適合情侶、朋友傾偈值得一去
Post
