Deep Sea Oyster & Steak

Open Now

Now Closed

今日同朋友行開尖沙咀，咁啱黎到山林道，朋友提意去一間上樓既餐廳食fusion菜。 難得黎到就試下。 就係山林道38號上面既Deep Sea Oyster & Steak, 睇落係好有情調既餐廳，唔係好大，但有落地大玻璃，入夜之後望住夜景食飯好靚，而且佢係行浪漫feel, 坐落真係幾舒服。佢都有一般既扒類，沙律，但我更有興趣佢既串燒，燒物，所以我地就叫左脆炸雞翼，燒牛舌心串，燒油甘魚鮫同安格斯薄燒。 因為佢都係即叫即煮，所以好新鮮，都好快就煮好。 佢既炸雞翼真係好香脆，又大件，黎到真係要等陣先好食。 燒牛舌好大件好厚，以為咁厚會好硬啦，但又好爽，超好食。油甘魚鮫好大份，比出面食既仲大，而且肉質好嫩。 安格斯薄燒比想像中大份，而佢卷埋小小蔥粒係肉入而，一啲都唔會有蔥青味，仲可以解油膩，好好味。跟住仲叫左杯石榴特飲，好清涼既感覺，配食串燒好正。最後食埋個好靚既紅桑子紐約芝士蛋糕，今餐真係好完滿，好值得黎。