悅滿軒

男朋友👦🏻book咗呢一間餐廳同我慶祝生日🎂，餐廳要喺美孚地鐵站上山，環境好舒適，我哋提早咗少少去仲有得係饒宗頤文化館影下文青相💕烤阿根庭紅蝦牛油果沙律配熱情果油醋汁💕阿根廷紅蝦特別鮮甜，加埋creamy嘅牛油果，仲有啲熱情果汁酸酸甜甜咁，成個沙律都好fresh！香煎法國鵝肝配法國甜包，蜜糖黑醋烤無花果💕法國鵝肝入口即化，夾上法國甜包，一齊食超正，另外仲有小小蜜糖黑醋同無花果調味！慢煮美國牛小排配蕃茄汁意大利麵💕牛小排用慢煮方式烹調，肉質超軟腍，意大利麵麵質軟硬度適中！蟹肉扭指麵配蟹膏蛋黄忌廉汁💕蟹肉加上蟹膏好邪惡，扭指麵口感幾特別，好掛汁！