Video
Read full review
2010-04-16
68 views
1月5日, 第1 O O週月紀念快樂~ *O* !!! 為食嘅我地梗係要食餐正野慶祝慶祝啦! 呀菲不嬲對海景有種莫名喜愛, 一直都想去環境好似好靚嘅Pierside試下… 難得openrice又有set dinner買一送一嘅coupon~ 一於黎試下啦! 買一送一嘅set dinner包餐包 + 餐湯 + 前菜 + 主菜 + 甜品, 不過只有兩款選擇, 一個係牛柳配薯條, 另一個係青咖哩虎蝦, 我地要咗各一.::: 牛柳配薯條 ::: $298先黎奉上佢地signature嘅餐包, 特別在佢有 4隻sauce~ 其實都不外乎係牛油、橄欖油、黑醋同柚子醬 (呢個最特別!) 好在個包都烘得幾脆~ D醬都幾好味~然後就係呢個忌廉龍蝦湯. 面頭層泡沫忌廉都係gimmick野啦~ 扮下分子料理咁無乜特別作用. 都ok有龍蝦味~ 但唔太特別.前菜係海鮮三食, 有d 三文魚沙律、蝦同八爪魚冷麵, 份量真係好bite size! 三文魚沙律酸酸甜甜幾開胃, 其餘兩款由於太淺嘗所以唔太深印象...主菜嘅牛柳ok wor! 肉質鮮嫩又有牛味~ 粗薯條同燒蕃茄都好味~ 唔錯唔錯~::: 青咖哩虎蝦伴薄餅
為食嘅我地梗係要食餐正野慶祝慶祝啦! 呀菲不嬲對海景有種莫名喜愛, 一直都想去環境好似好靚嘅Pierside試下… 難得openrice又有set dinner買一送一嘅coupon~ 一於黎試下啦! 買一送一嘅set dinner包餐包 + 餐湯 + 前菜 + 主菜 + 甜品, 不過只有兩款選擇, 一個係牛柳配薯條, 另一個係青咖哩虎蝦, 我地要咗各一.
::: 牛柳配薯條 ::: $298
先黎奉上佢地signature嘅餐包, 特別在佢有 4隻sauce~ 其實都不外乎係牛油、橄欖油、黑醋同柚子醬 (呢個最特別!) 好在個包都烘得幾脆~ D醬都幾好味~
然後就係呢個忌廉龍蝦湯. 面頭層泡沫忌廉都係gimmick野啦~ 扮下分子料理咁無乜特別作用. 都ok有龍蝦味~ 但唔太特別.
前菜係海鮮三食, 有d 三文魚沙律、蝦同八爪魚冷麵, 份量真係好bite size! 三文魚沙律酸酸甜甜幾開胃, 其餘兩款由於太淺嘗所以唔太深印象...
主菜嘅牛柳ok wor! 肉質鮮嫩又有牛味~ 粗薯條同燒蕃茄都好味~ 唔錯唔錯~
::: 青咖哩虎蝦伴薄餅 ::: (買一送一)
另一個set 餐包同餐湯都一樣~ 前菜係要咗炸洋蔥圈~ 個炸粉好脆! 同埋好欣賞墊底d 加咗honey mustard 嘅沙律菜~ 好味! 不過就麻麻地食到入面d洋蔥~
主菜青咖哩虎蝦配薄餅~ 堅係辣! 但除咗辣都有d香料味, ok嘅~ d蝦都夠彈牙, 鮮味十足~ 但就細隻咗d, 又只係得2隻... 仲有一小塊法包同薄餅伴食~ 薄餅都幾正宗~ 好味!
::: Lindt 朱古力火鍋 ::: (+$68 upgrade)
呀菲嘅飛佛環節~ 甜品!!! 其實跟餐本身已經有 2 個甜品, 不過你亦可以加錢upgrade做chocolate fondue~~~ 嗜甜如我當然又二話不說upgrade啦! 呢個choco fondue用嘅係Lindt朱古力~ 都真係幾濃郁! 而d 火鍋料就有grissini、生果粒、ladyfinger、綿花糖、cheesecake同埋chocolate cake~ 呢度d cheesecake同chocolate cake點朱古力真係超好食!!!!!! 有機會真係要試下~ 好好味!!
無啦啦今晚雨朦朦... 無得坐出outdoor... 好彩indoor環境都唔錯~ 周圍燈光較到暗一暗，有個live band唱下歌咁~ 我地被安排到靠窗嘅位置坐低. 竟然比我見到最入最入有個半圓嘅卡座! 有兩口子好sweet咁望住海景並排而坐... mmm... 下次去食要記得book呢個位先!
Post
