Seafood Stand (Closed)

元宵佳節後又到西方情人節，呢期都要交人……係兩個人撐枱腳嘅餐飲主導架啦！今晚喺樂富廣場玩完超巨大Emoji夾公仔機，就梗係搵間有情調嘅餐廳歎下……呢間新開噃，就入去試下……入去揀咗梳化位，望到牆上繪有Q版漁夫釣龍蝦，好搞笑又帶出咗餐廳名字同主題。呢度主打海鮮、漢堡、生啤、手工啤酒同特色飲品……雖然食漢堡都好浪漫……不過情人說要點春雞，冇所謂，春雞都做得不錯，如果燒汁另上會滿足啲，老虎蝦不如想像中大隻，好彩夠爽脆，加返啲分！最正竟然係芝士薯蓉，表面有少少焦烙，薯香混和芝士濃香，口感唔錯，拉絲冇難度……還有特飲"night sky(仲夏夜空)"，係荔枝、檸檬、蝶豆花梳打……長長杯身盛著紫色、紅色、黃色3種層次，頂上放上大大塊薄荷葉，秒殺女人心，係今餐浪漫嘅亮點！