木船 (Closed)

店舖嘅名係「木船」，店舖裏面嘅裝飾都係充滿「船」嘅風格，非常特別。木瓜沙律～ 爽脆嘅木瓜絲配上提子、車厘茄、花生同埋酸汁，真係極度開胃，做前菜一流！！招牌菠蘿炒飯～ 吸睛度非常之高，佢嘅賣相真係與別不同， 一上枱唔小心「嘩！」咗一聲，失禮死人！！ 味道都非常討好， 特別係大蝦，非常新鮮爽口！！椰子雞煲～ 中泰crossover， 竟然喺間泰國餐廳食到呢類型嘅煲仔，真係非常之意外！！ 重點係味道非常之濃郁，而且雞嘅份量非常之多，我命名佢為「食極唔完雞煲」！！傾計時刻，當然要點有特式的飲品喇～朋友係朱古力控，點了一杯朱古力巨人，內含oreo, kitkat, 朱古力百力枝、朱古力粉、忌廉……實在非常邪惡！！我點了龍眼冰，竟然超級多龍眼，數量可以用浮誇來形容！！飲完都飽飽地！！遇上兩週年優惠，仲有得抽獎㖭！！真係唔可以錯過！！食到成枱都係，只係430蚊埋單，真係非常之抵食！