WM Café & Bar (海之戀商場)

Open Now

Now Closed

黎海之戀FD屋企玩，出來啱啱好喺晚餐時間，睇到哩間西餐廳晚市都有套餐，咁試試啦。Menu都有好多選擇，單點扒餐/意粉飯類加35HKD可以轉套餐，包埋餐湯，沙律同飲品，都幾抵食。揀咗墨西哥手撕豬肉薄餅同水牛芝士牛油果三文魚焗義大利飯，怕食唔嗮只加咗一個套餐。宜家天氣好凍，飲品揀咗熱嘅洋甘菊茶同伯爵茶。茶上咗來都好熱，雖然用的是茶包，但是質素都唔差，好好飲。因為FD好鐘意龍蝦湯，餐湯加錢換咗WM蟹肉龍蝦湯。餐湯龍蝦味好足，仲可以食到一啖啖蟹肉，超好味。餐湯配咗半件牛角包，牛角包烤得好酥脆，直接吃已經好好味。前菜揀咗吉列炸蠔，一份有2隻炸蠔，啱啱好夠兩個人share。炸蠔送上來仲熱笠笠，面衣好酥脆，生蠔鮮嫩多汁，好食到都想叫多一份。水牛芝士牛油果三文魚焗義大利飯都幾大一份，焗飯鋪滿水牛芝士，三文魚比咗6-7塊。義大利飯最驚飯夾生或者飯太過油膩，哩間整得啱啱好。飯好重芝士味，配上三文魚同埋三文魚籽一齊食好好味，成碟飯都食嗮。墨西哥手撕豬肉薄餅都好足料，有菠蘿，青椒，洋蔥同手撕豬肉。手撕豬肉喺香甜口味，每一啖都滿哂豬肉同菠蘿，好滿足。同FD吹水都吹左個幾鐘，坐得又舒服，哩間餐廳唔錯！