天天海南雞飯 (ELEMENTS圓方)

Open Now

Now Closed

上次同屋企人行完街，心血來潮好想食海南雞，睇吓圓方商場有冇得食，比我搵到呢間天天海南雞，之前一直想試但未得閒去，今次終於比我食到🤩。天天海南雞個海南雞嘅肉質好嫩滑好好食！雞皮滑得嚟帶點爽口，連埋佢跟嘅醬汁一齊食味道好夾，帶出雞肉嘅鮮味。燒雞好香口去埋骨食落好方便，另外旁邊仲有3️⃣個醬汁比你配搭嚟食，有黑醬油、辣椒醬、椒鹽，雞肉份量好足料，配埋油飯一齊真係無得輸，油飯粒粒分明好香雞油味好好食。松露蝦多士炸到外脆內軟，好香黑松露味，蝦肉彈牙，再配埋沙律醬味道好夾，雖然好熱氣但真係好正，咬落去好豐富勁滿足☺️。