爺爺雞飯 (金百利中心) (Closed)

嚟開銅鑼灣呢邊都會知道金百利有勁多嘢食。不過食物嘅質素會有啲參差。今日就嚟食咗間爺爺雞飯，就真心推介。佢主打係東南亞同星馬泰嘅食物。入到嚟裝修新簇簇，加上播音樂，感覺好舒服。至於食物方面我哋嗌咗爺爺海南雞飯拼新加坡叻沙滲滲。海南雞大大件，味道又非常好，加埋佢哋嘅海南雞醬汁真係一流。但係嗌呢個餐另外一個原因係因為佢有雙拼。佢嘅星加坡叻沙湯底真係飲得出用海鮮去熬製，非常濃郁。我另外一個餐我哋就嗌左檳城椰香咖哩雞飯配肉骨茶。因為想試吓佢哋其他東南亞嘅風味。肉骨茶都真係好足料，有油炸鬼，豬骨，腐竹，豬骨，冬菇。咖喱雞飯配埋個蛋撈晒啲咖喱汁，送飯一流。要提提大家跟餐嗌嘢飲，仲有半價優惠。我哋就見食咗咁多嘢專登叫咗個黄金大麥茶嚟消滯。我哋都係貪心想試埋個咖央多士來作結。多士烘得啱啱好，非常香脆，配埋入面嘅咖央好正。Openrice pay比錢仲有優惠啊！抵食！