莎巴馬來西亞餐廳 (Moved) New Location

lunch 曾經為o左搵食，由公司行o左超過九條街去沙巴朝聖。結果無令我失望，我食到滑滑海南雞飯啦！雖然個草菇餐湯一睇就知落o左o吾少豆粉，但係$48 街坊價連野飲同甜品，淨係舊滑雞同香飯都好似識發光咁，我巳經覺得頭上多o左個光環。正當我呢個虔誠o既海南雞飯徒體驗緊神跡時，未飲完o既草菇餐湯吸引o左超過六個侍應想拎走...就連隔離檯o既咖哩牛肉都o吾放過！唯有講句Ｄ侍應真係好鬼死勤力啦！由於中午叫其他o野要加一，海鮮喇沙留番中秋夜再試。