芽籠

Open Now

Now Closed

環境4分：細細間新加坡餐廳好光猛，入面裝修得到幾骨子，午市坐滿學生哥，好難會排到卡位，可以畀四分。衛生5分：地方企理，通入廚房條通道一樣咁乾淨，衛生滿分。服務5分：服務員爽手唔囉唆，落單上菜夠快脆，一樣滿分。味道3分：海南雞配雞油香飯中間碟海南雞起碼唔肥，畀得夠調味醬，要扣分因為雞肉輕微韌韌地，個油飯唔夠油，個排骨湯有大大舊排骨但個味道唔夠濃，頂盡畀三分。手工拉茶熱就夠熱，不過冇乜茶香。抵食3分：八十幾蚊個午餐有夠份量嘅雞肉，大大碗油飯同排骨湯，夠飽肚，灣仔區算正常價。