Video
Exit A3, Wan Chai MTR Station, Exit A, Causeway Bay MTR Station
continue reading
Telephone
23574899
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
餐廳：芽籠地點：灣仔道菜式：新加坡菜餐牌：下午茶餐有好多款選擇，有越式湯粉，娘惹風味，米飯撈檬，馬來咖哩，包飲品七選一，無加一，仲可以追加地道小食。厚切豬扒喇沙摻摻 $53厚切豬扒喇沙摻摻熱辣辣上枱，個喇沙湯又香又滑，梛汁又夠，辣度剛好，好惹味。麵底係黃色粗麵加幼身米粉，前者有咬口後者幼滑吸汁，加埋係好正嘅口感。豆卜4件好吸汁。糖心蛋半隻。仲有爽口芽菜，青豆同脆脆加添口感。豬扒一開七件另上，整得皮脆肉嫩，味道甜甜地，墊有少少新鮮生菜絲。無骨海南雞配油香飯 $62海南雞雞件有十幾件，有脾有胸有單骨雞翼，質素唔錯，皮滑肉嫰，頗有雞味。配有三色醬，分別有甜豉油，薑蓉同酸辣醬，自己調味。伴有青瓜三件可解膩。雞油香飯熱辣辣大大碗。蟲草花雞湯入面有蟲草花同蔥花。個湯雞味香濃。街頭雞肉串燒 加$22街頭雞肉串燒一客兩串。雞肉串燒熱辣辣上枱，燒得皮脆啖啖肉，撈埋個參峇醬微微辣，好惹味。墊有生菜絲同酸白紅蘿蔔絲解膩。餐飲包括檸茶檸水，鹹桔水，馬來手工拉茶，南洋白咖啡，桂圓紅棗茶同黑糖薑棗茶。凍飲加$3。熱檸水有三片檸檬。馬來手工拉茶叫左少甜，味道都唔錯，微微甜，質感都好滑。熱桂圓紅棗茶有好多紅棗同杞子加桂圓，好香菊花味，味道只係微甜，好養生。總括而言，茶餐份量似正餐，不過價錢平d。平日下午茶時間都滿座。
continue reading
Lunchtime 想食星馬野，同同事兩個人系灣仔試左間星馬小店雖然lunchtime 人流不絕，但店員服務態度依然好好，系旺區實屬難得👍👍海南雞配油香飯$72海南雞肉質鮮嫩，份量十足食唔停油香飯飯粒偏乾身，粒粒分明有嚼勁馬來燒雞配油香飯$58燒雞層皮好脆唔肥膩，雞肉有汁唔會乾柴烤豬頸肉$28小食大概加$20左加就食到豬頸肉幾爽口，少少油脂更香口雞肉串燒$22雞肉串燒好香香茅味，一人一串岩岩好白咖啡 & 薄荷青檸梳打$12馬拉咖啡有舊街場的風味，好飲梳打唔會太甜，用黎解膩一流
continue reading
係被 openrice 推薦嚟嘅，工作日同同事一齊嚟食 lunch set ，一份主食配有一杯飲品，唔計加一，價錢實惠，味道仲算可以。整體 cp 值唔低，工作日可以嚟試下，但週末或者晚餐就無咁抵啦。我點咗個叻沙，上嚟好大一碗，味道都好唔錯。美中不足嘅係豬頸肉嘅肉量唔算好大，如果可以有多啲肉就更好喇。但如果要食飽嘅話係可以食飽嘅，底係粉麵兩摻，最後都冇食完。配嘅飲品係金桔水，幾適合冬天嘅。周圍有好多人點咗火山骨嘅 set ，下次有機會一定試下。因為食過唔錯，週末嘅時候晚上嚟打包咗一份海南雞飯帶走，但味道卻有啲一般。油飯好健康，並唔係好油，相對嚟講就冇咁香；雞嘅肉質同分量亦都係咁，遠唔及午餐嘅水平，下次唔會再食海南雞飯喇。
continue reading
新年完全唔想去拜年，自己去食飯最自在！可以舒舒服服唔使講門面說話，又可以食自己想食嘅！呢幾日天氣凍返啲，我就想嘆返碗越南河粉～6.30pm 去食個早飯！呢間芽籠一個月食幾次，個套餐好抵食，之前次次嚟都係食飯類，今次就去食pho啦！《越式綜合牛肉湯粉（河粉） $90》（不收加一）配 越南炸春卷（2件）配 黑糖薑棗茶好大碗，湯夠熱，味道清香唔會渴。有生牛肉、牛肉丸同牛展。牛肉好嫩又有肉香；牛肉丸細細粒彈牙爆汁，仲有啲筋位有咬口；牛展好爽彈！小食 揀咗《越南炸春卷x2》炸春卷好香脆，餡料滿滿，估唔到仲配埋兩大片生菜比你包住食，蘸埋酸汁好惹味！飲品揀咗 養生啲嘅《黑糖薑棗茶》。 埋單$90，性價比高！
continue reading
初六開工日！放咗幾日假都選擇喺屋企休息，同屋企人食飯，都無點出過街，襯放工就約朋友食個飯、順便拜個年！朋友喺灣仔道附近做野，約我去呢間芽籠食飯，話抵食又坐得舒服。地方都幾骨仔，卡位座都幾靚，而且有$100內嘅套餐，包主食、小食同飲品（冷熱同價），個餐仲要不收加一，真係好抵！《 海南雞配油香飯 $86 》雞肉好嫩滑，油香飯夠味又好香，個湯好清甜，有驚喜！跟餐配 《 街頭雞肉串燒2串 》雞肉微辣惹味，仲有沙嗲醬提味。《 正宗巴生肉骨茶 配油飯 $92 》個湯好香郁，唔會太濃。肉排厚肉，但唔算嫩，不過蘸黑醬油食都好味，另外仲有兩件油炸鬼，吸湯惹味。*可選 配油飯/米粉*跟餐配 《 咸蛋黃魚皮（餐） 》 好香脆可口，浸少少湯仲好味！跟餐配 《 熱馬來手工拉茶 》 香滑微甜｜跟餐配 凍薄荷青檸梳打凍熱同價very good👍🏻 性價比高，下次再嚟！
continue reading