Video
Read full review
2022-09-04
893 views
女朋友喺booking site book完，配料有85折，上次同佢食完椰子雞任食，佢食完見到椰子雞想再食，但今次真係埋單有啲失望。雖然上一間喺大埔食，呢一間喺旺角，但係上一間可能真係太抵食，二百幾一個人又有雞又有大蝦又有肥牛又有豬，其實淨係食雞兩個人食覺得好飽。椰子雞所謂有對比有傷害，上次經驗令我覺得其實椰子雞係好平既野，無咩成本，啲雞啲牛肉好似唔使錢咁，果次俾左超多我地兩個人食。但係呢間既份量真心偏少，有啲評論都講得無錯，呢間所謂半隻雞好似BB雞咁，只有上次果間一半咁多。有評論話雞肉鞋，我都覺得唔夠之前果間滑，但係我相信係焗佢既時間耐左影響，上一間可能個侍應拿捏個時間好，第一轉既雞係算滑既，之後都係有啲鞋。呢間我相信都未必係雞既問題。三併餃子其實雞我都未至於令我不愉快，最失望係99蚊既三併餃子，三併係每樣得兩粒，姐係我兩個人叫先啱啱好夠每人一粒。坦白講，餃子係幾好食，都好大粒，但係一粒85折後再加一，姐係成15蚊一粒就真係睇到上枱果刻有啲嬲。雜菜雜菜78蚊既份量都好少，啲蛙蛙菜拆開左，事實上應該都未必有超巿買既一包三粒既一粒，因為人地一粒係飽滿既。油麥菜折開兩三折，入邊等於應該只有
椰子雞
所謂有對比有傷害，上次經驗令我覺得其實椰子雞係好平既野，無咩成本，啲雞啲牛肉好似唔使錢咁，果次俾左超多我地兩個人食。但係呢間既份量真心偏少，有啲評論都講得無錯，呢間所謂半隻雞好似BB雞咁，只有上次果間一半咁多。有評論話雞肉鞋，我都覺得唔夠之前果間滑，但係我相信係焗佢既時間耐左影響，上一間可能個侍應拿捏個時間好，第一轉既雞係算滑既，之後都係有啲鞋。呢間我相信都未必係雞既問題。
三併餃子
其實雞我都未至於令我不愉快，最失望係99蚊既三併餃子，三併係每樣得兩粒，姐係我兩個人叫先啱啱好夠每人一粒。坦白講，餃子係幾好食，都好大粒，但係一粒85折後再加一，姐係成15蚊一粒就真係睇到上枱果刻有啲嬲。
雜菜
雜菜78蚊既份量都好少，啲蛙蛙菜拆開左，事實上應該都未必有超巿買既一包三粒既一粒，因為人地一粒係飽滿既。油麥菜折開兩三折，入邊等於應該只有兩三片折開咁少，係真係感覺好辜寒。
烏冬
叫埋個烏冬，本身心唸出前一丁22蚊，好似稻庭烏冬26蚊應該飽啲喎。點知上枱果餅烏冬個size重細過一餅出前一丁，就後悔了，兩個人食都分唔到半碗烏冬。
海鮮併盤288
有鮑魚，海蝦，帶子等，全部都屬於幾鮮甜，雖然份量一樣唔多，不過海鮮黎講都正常價既。
本身都未必想上黎吐嘈，但係我覺得食物質素幾好，但係所有野俾人一種辜寒既感覺，真心對於食客唔好受，對於食店都唔係公平既評價。其實好多火鍋店對於佢既撚手手功丸/餃都份量偏少，但係起碼啲菜同麵食係有正常CP值的，畢竟都係啲好平既料。我覺得佢每樣野係海底撈半份既份量，但係人地海底撈香港版都真係半份既價錢。幾好食都食到頂心頂肺。
ps. 雖然值得一讚係侍應都好熱心講野教你點煮，都係我其中一個唔太覺得差既原因。
Post
