ENSŌ

Open Now

Now Closed

放工同朋友喺西環海旁散步，肚餓見到附近有間日式串燒小店。今次坐喺吧枱區，欣賞師傅燒烤同製作火鍋，加上原食材均由日本空運到港，急不及待想試下，上菜都頗快。期間限定生蠔北河燒係以木炭火燒，外層微焦芝士，同時鎖住蠔肉嘅汁。羊腿串唔會有羶味，惹味肉香。雞湯野菜牛肉鍋可先品嚐濃郁嘅雞湯，牛肉油花平均，配合椰菜、冬菇同金菇。 芝士年糕外皮唔油膩，咬落芝士超流心。 主打免治雞肉棒沾上蛋汁，入面帶有碎碎嘅軟骨口感。 牛舌外層帶脆，肉質爽口。日本茄子木魚佈滿上茄子，燒汁味濃，茄子軟腍。燒豬軟骨豬軟骨醬香，軟硬度適中。 明太子飯糰外層經輕微烤過，帶來焦香同飯焦微硬脆口。