KiKi麵店 (海之戀商場)

Open Now

Now Closed

海之戀入面靠近海景，餐廳好闊落又光線充足，假日可以望住大海嘆個lunch好寫意😈.🥣鵝油拌麵套餐🥣：💰$118配菜有滷蘿蔔超軟念少少八角味、甜不辣口感似魚蛋、百頁豆腐大片又彈牙，金錢肚夠入味滷水味香，加$20要埋鵝肝，雖然係薄切，但香濃鵝肝味配滷水汁都好夾，鵝油拌麵油香味濃，唔會膩少少酸，麵條好掛汁。🥣午市套餐🥣：💰$148起小食叫左蒜片台式腸，多片生蒜片，台灣腸切片蜜汁味濃，可以沾少少麻辣醬，勁麻！口腔充滿辣味，好過癮！🥣胡麻捧捧雞伴小醋麵🥣：由米芝蓮二星大廚創作，雞絲份量好足，又大絲，嫩滑唔鞋，配以大量炸蒜碎，醬汁有醋酸酸地好開胃，麻醬份量岩岩好唔漏，麵條彈牙掛汁。🥣生乳銅鑼燒（抺茶）🥣：有3種口味可選，感覺輕盈健康，似蛋白蛋糕，夾餡好濃抺茶味既忌廉。🥤紫薯雪絨芋圓白桃烏龍茶🥤：💰+$18用外賣杯裝，紫薯泥放面，微甜，底有紫薯芋圓好煙韌，茶底係清甜濃郁白桃烏龍茶。🥤熱冬瓜茶🥤：有凍有熱，濃味冬瓜茶，保留台灣味道，唔會過甜，夏天必飲可以消暑利水。