一浩 (Closed)

難得放假，當然要同男朋友去玩樂一下， 男朋友話好想去沙灘睇海景，我哋一於嚟到黃金海岸呢邊度玩下沙玩下水咁樣，玩完之後就係沙灘附近餐廳度搵食啦。一浩呢間餐廳嘅環境都幾舒服幾大，又幾光猛，主要係食多國菜，岩哂乜都中意食既我地😍，於是一於就去試下。一入到去覺得呢到環境好闊落呀，打開嘅menu發現都有唔同國家嘅款式嘅菜畀我地揀，見咁耐無食日韓菜啦，一於就叫黎試下燒鱈魚乾呢一個係好好嘅前菜，燒鱈魚肝嘅質感好似魷魚絲嘅感覺，乾乾地但係又有少少煙韌，表面略焦再點埋沙律醬，沙律醬令燒鱈魚乾既鮮味令你更加容易吊出嚟蒲燒鰻什錦芝士卷呢到既芝士卷同坊間既芝士卷好唔同，坊間通常只會用鰻魚包住個卷，但呢到卷入面會再有多2個配料，包括青瓜同埋芝士粒，青瓜既清爽中和左埋芝士粒既膩感，食落更有層次感。什錦刺身重點係刺身拼盤，呢到既刺身好新鮮，特別係油甘魚，入口油脂味好重，但係入口即融，值得一讚既係厚切三文魚，食落非常新鮮無腥味，而吞拿魚亦都好有技巧咁切得無筋，所有刺身都無雪藏味，值得一讚。豚肉生薑石鍋飯豚肉切得好薄身，而且容易咬開，再配上生薑，成個飯感覺好正氣，而且有用到生雞蛋作為醬汁撈飯，食落香味更重 車厘茄煙肉串