花楽 (北京道1號) (Closed)

行完街來食飯，位置好好搵，上來見到氣氛好Chil好放鬆，坐係床邊仲可以欣賞夜景。先點左海葡萄沙拉，份量足，擺盤靚，料新鮮，鹹鮮的海葡萄加上醋汁好開胃。三文魚腩油脂豐富，非常厚身，花刀令芥末豉油更入味，咬落油脂香味在口腔跟芥末豉油交織在一起，好新鮮，值得再點。吞拿魚🍣壽司擺係玻璃花盤上，影相非常靚。大腹、中腹、赤身吞拿魚上點綴魚籽醬、金銀箔，非常吸引，色澤粉嫩，入口順滑，好味😋安格斯牛肉壽喜鍋牛肉好足份量，油脂比較少，適合鍾意食瘦啲的人，係蛋液浸一浸口感更順滑。湯底濃，蔬菜煮得很入味。安格斯牛肋肉石鍋飯非常香，牛肉粒咬落好濃的奶香味，油脂豐富，混合粒粒分明的米飯，帶少少煎香的蒜片味，非常惹味，邊邊仲可以食到少少飯焦，一飯兩食，兩種滋味。