牛牛日式火鍋放題 (海之戀商場) (Closed)

之前海之戀商場行donki都會見到好多野食❗️最近天氣轉涼，最啱就係打邊爐🍲所以今次就去咗呢間牛牛日式火鍋🤩望住海景打邊爐真係勁chill好正😌🔻湯底係每人一鍋，夠哂衛生❗️今次我哋就揀左豬骨鍋同酸菜鍋，食辣嘅朋友仲可以揀日式麻辣鍋😊另外仲有蕃茄同豆乳鍋等😉今次我哋係叫左澳洲產長期穀飼牛放題套餐，肉類都好多種架，包括有澳洲產長期穀飼牛、 美國頂級牛肉 、嚴選特級牛肉、 紐西蘭綠之草原羊肩肉以及丹麥皇冠豚肉🥩澳洲產穀飼牛&美國頂級牛肉肉質鮮嫩，有牛味，雪花分布均勻，脂肪比例都好平均，口感滑溜🤤至於羊肩肉同丹麥皇冠豚肉味道都唔錯🤗🔻另外自助區配料款式都好多❗️尤其係蔬菜類，居然有羽衣甘藍❗️另外仲有秋葵、長蟹柳、南瓜片、粟米、芋絲、紅薯粉、娃娃菜、萵筍、蓮藕、翡翠苗等等🤩🤩紅薯粉仲係粗嘅添，真係幾有驚喜🥰仲有熱食區，有好好味嘅炸雞同薯條，熱辣辣係自助區拎嘅，而甜品區仲有雪糕同雪條🍦🍨真係超級整富，飽到捧住個肚🤰🏾😂