心鉄板燒 (Closed)

之前來過呢間餐廳，一直念念不忘呢度既海景、廚藝非凡的廚師、同高質既和牛。鐵板燒真係日本菜的另一層次，又可欣賞廚師手藝，又可食到高質食品，仲可以睇到一覽無遺的夜景添。見餐牌有個特選二人餐$1980，有成十道菜，就叫呢個餐。前菜都有三樣，先來杞子果仁沙律，有杏仁，果仁同杞子，夾上爽脆生菜，好有嚼口，又開胃。另一道係山芋海膽，好清甜，海膽好鮮甜，仲有芝士春卷，好脆口，中間芝士味濃。湯我揀了最愛的龍蝦湯，龍蝦味道濃郁，有粒粒龍蝦肉，好彈牙。朋友叫了蟹肉元貝冬瓜湯，超清甜的湯，飲左口嚨好舒服的湯。日本岩蠔配櫻花蝦日本岩蠔都係第一次食，煎至梗梗熟，上面仲有櫻花蝦令蠔味昇華，又一名貴菜色，中南非鮑魚配紫菜柚子汁，鮑魚表面燒香，肉質好彈牙，鮑魚肉好juicy。八爪魚酢物，好煙韌，仲加了青瓜蕃茄粒，好開胃。成晚最期待，就係日本A4 厚燒和牛同牛舌心，和牛入口即溶，好鬆軟，有牛油香味，表層牛肉較結實好香脆，有牛肉肉味。牛舌心爽口彈牙，燒得香甜。季節野菜有椰菜，芽菜，甘荀絲一齊炒成。唔少得小女子炒飯，一聽個名已非常吸引，好欣賞個煎蛋，蛋邊有焦香，成隻蛋份量好大隻，小女子炒飯，粒粒分明，仲有獨有的雪菜，好香呀