麥田廚房 (Closed)

前幾日男朋友話要帶我去一間整「羅宋湯」好出名既餐廳，黎到先知係銅鑼灣既麥田廚房，餐廳燈光柔和，擺滿各式各樣既裝飾品，原來尼度既店主由細就爸爸喝過無數「羅宋湯」，盡得爸爸 （羅宋大菜餐廳大廚）既珍傳，想將傳統海派俄國菜重回香港！一入門口就見到好多俄羅斯娃娃，令尼度充滿俄羅斯色彩！黎到一定要點 上海派招牌羅宋湯 ，湯入面有紅菜頭、椰菜、牛肉、甘筍。入口味道超香澴、有少少辣，加入牛肉令成個湯有d咬口，夾埋紅菜頭、椰菜，甘筍既爽口口感，味道岩岩好！旁邊重有塊蒜蓉包，浸小小湯食真係一流！俄式薄餅 配 俄式酸菜，薄餅上層係紅魚子醬，中間夾住酸忌廉，而下層係pancake餅底。香滑既忌廉既可以中和紅魚子醬既咸味，又可以令到個餅底更鬆好鬆軟，三樣野好夾！旁邊既酸菜，酸酸甜甜，好開胃！主菜叫左個 “香煎黑毛豬配蘋果汁”，黑毛豬係半肥瘦，口感軟腍嫩滑，肉味香濃，配蘋果汁幾滋味。蘋果汁入面有d蘋果蓉，甜甜地幾好味，重令味道更有層次，中和左肉既肥膩感。最後揀左個海派茄汁焗豬扒飯，上桌重有熱辣辣，面頭鋪滿香濃茄汁，重有d三色椒粒。切開豬扒好鬆軟、酥香嫩滑，d香味出晒黎，下係炒飯底，本身已經有香濃既蛋味，配埋個茄