Video
Read full review
2010-08-30
14 views
27-8-2010睇了食友 sosoku 關於呢度的雞飯食評, 幾有興趣, 是日到灣仔「下場」前專登早幾個站落車嚟試試, 叫的亦當然係招牌「海濤雞飯」($38; 跟例湯).例湯係西洋菜蜜棗煲豬展? 飲落清甜無 MSG, 火喉不錯, 喺屋企以外飲到咁樣的湯水, 幾滿足的. 「海濤雞飯」其實即去骨雞 + 黃色的飯, 配酸辣醬汁, 又名「疑似泰式海南雞飯」 雞汁飯偏乾身, 食落帶香茅及蒜味, 還不錯; 去骨雞件肉質一般嫩, 不過又有唔少骨膠原啫喱 雞皮唔薄但食落算爽滑, 還不錯. 墊底的有大量海藻絲, 食落實實的, 唔算好喜歡; 青瓜絲就腍得很, 質地似罐頭 peach , 食落係單調的酸, 唯有放棄. 仲有旁邊一小碟螢光橙色, 供蘸雞食的酸辣醬汁, 不過絕對得個酸字, 好悶的味道.$38 一客, 可以一試, 不過試過就算了.P.S. 呢碟雞飯當然食唔出 d 咩「醉人情懷」啦, 只係店名令我諗起細個時電視日播夜播的髮型屋廣告...
睇了食友 sosoku 關於呢度的雞飯食評, 幾有興趣, 是日到灣仔「下場」前專登早幾個站落車嚟試試, 叫的亦當然係招牌「海濤雞飯」($38; 跟例湯).
例湯係西洋菜蜜棗煲豬展? 飲落清甜無 MSG, 火喉不錯, 喺屋企以外飲到咁樣的湯水, 幾滿足的.
「海濤雞飯」其實即去骨雞 + 黃色的飯, 配酸辣醬汁, 又名「疑似泰式海南雞飯」 雞汁飯偏乾身, 食落帶香茅及蒜味, 還不錯; 去骨雞件肉質一般嫩, 不過又有唔少骨膠原啫喱 雞皮唔薄但食落算爽滑, 還不錯. 墊底的有大量海藻絲, 食落實實的, 唔算好喜歡; 青瓜絲就腍得很, 質地似罐頭 peach , 食落係單調的酸, 唯有放棄. 仲有旁邊一小碟螢光橙色, 供蘸雞食的酸辣醬汁, 不過絕對得個酸字, 好悶的味道.
$38 一客, 可以一試, 不過試過就算了.
P.S. 呢碟雞飯當然食唔出 d 咩「醉人情懷」啦, 只係店名令我諗起細個時電視日播夜播的髮型屋廣告...
Post
