月半堂

Open Now

Now Closed

今次👦🏻👧🏻就去咗探索荃灣嘅神秘國度(對👧🏻嚟講) - 海濱花園！原來屋苑內都有小店，就係主打日式食物嘅月半堂！估唔到價錢仲要好親民👍🏻。🌟雙份上腹牛五花(肥牛)老闆介紹岩岩先推出嘅一人火鍋🍲套餐，$80幾蚊就有雙份肉量嘅一人火鍋，湯底用上壽喜燒湯底，配料就有芝士竹輪、蜆、日式魚片、芝士腸、金菇，再有個主食：烏冬。話到明係牛五花就緊係好似五花腩咁，脂肪同肉層次分明。整體上感覺幾似某連鎖店嘅一人火鍋。🌟極上燒牛肉飯燒牛肉用上嘅醬汁好惹味，牛肉亦唔會太韌又入味，係一個撈飯一流嘅餸菜；至於飯就有加上飯素👍🏻，味道都係唔錯。🌟玄米茶天氣凍👦🏻👧🏻都揀咗飲熱玄米茶，炒米粒香氣撲鼻，味道芳香。