魂燒 (Changed Hand) New Restaurant

同朋友仔行完花園街，係近太子個邊食晚飯～原本都唔知食乜好，咁岩經過聞到香噴噴既燒物味，就簡左哩間LU！紫薯薯餅，外皮香脆唔厚粉，裡面滿滿既紫薯蓉，紫薯味唔人工，帶有香甜！落order前其實都會上黎睇睇有乜食，好多都推介海膽飯，我就緊係都試試啦！真係成板海膽上檯，好足料呀！將生雞蛋撈好白飯後，再加入海膽拌勻！原來蛋汁同海膽都幾合襯！完全沒有腥味啊～另外仲叫左個主菜，蟹黃拉麵！蟹膏都幾多，又有蟹腳食，拉麵爽滑，不過個湯底比較淡，只有淡淡既豬骨香！