URA Japanese Delicacy (Closed)

年三十晚準備收鑪，一於食返餐好的，慶祝一下！URA其實我已經食過三次，但係因為餐牌選擇豐富，而且食物每次都很有驚喜，忍唔住久唔久都要食下。今次選擇咗海膽烏冬，一上枱令我很驚訝，一版細海膽，有少少罪惡感，海膽新鮮鮮甜，冷烏冬配上生蛋、紫菜及味噌湯，烏冬非常有咬口彈牙。放在旁邊的小食有豆腐跟小小醬汁，薯仔沙拉，燒八爪魚丸，還有西瓜同酒釀梨，雖然被一版嘅海膽搶晒鏡，但味道也十分好。午餐價格上算貴，但根據他們的食物質素，確實是超值。