Video
Read full review
2009-08-20
333 views
遲來的食評~~~剛剛執電腦既相，先抽起條根想寫下呢個食評。因為我覺得呢度幾值得推推推，而且季節限定，只有冬天或較涼既天氣先arm食海膽，亦係輕鬆下既好地方。當日係復活節期間，一行3個女仔發癲，山長水遠要去食本土出產既海膽。由旺角塔小巴到西貢，再轉船到養殖場全程大概1.5個鐘。養殖場附近無咩其他景點，除非你對行山好有興趣啦！如果唔係都無咩野好做，只係食食食！一落船就一支箭走去搵位坐低，沿途都有養殖場既廣告橫額，推廣即開海膽$24買一送一。一坐低，發覺枱上有個盤裝住隻活生生既海膽君。因為係第一次見，都咪話唔驚，最驚佢會爬出黎hahahaha~~原來呢隻品種既海膽係唔吉手ga！紫紫紅紅色的好可愛！同佢混孰左之後，我地三個終於捨得叫野食。我地叫左：海膽春卷、海膽蒸水蛋、海膽炒飯、四隻粉絲蒸扇貝、一打海膽刺身。落order後，店員上左d脆魚小食比我地食住等，果d魚仔我包你食過上癮，除非你一d腥味都唔受得。魚仔脆卜卜的，而且魚味十足，size都十足！蘇脆無骨~~~唔似係supermarket買到果d日式魚仔甘癡立立，甜爺爺。之後問個店員有無得賣，佢話賣晒，下次去之前比個電話佢地落訂~~~可惜~~~
當日係復活節期間，一行3個女仔發癲，山長水遠要去食本土出產既海膽。由旺角塔小巴到西貢，再轉船到養殖場全程大概1.5個鐘。養殖場附近無咩其他景點，除非你對行山好有興趣啦！如果唔係都無咩野好做，只係食食食！
一落船就一支箭走去搵位坐低，沿途都有養殖場既廣告橫額，推廣即開海膽$24買一送一。一坐低，發覺枱上有個盤裝住隻活生生既海膽君。因為係第一次見，都咪話唔驚，最驚佢會爬出黎hahahaha~~原來呢隻品種既海膽係唔吉手ga！紫紫紅紅色的好可愛！同佢混孰左之後，我地三個終於捨得叫野食。我地叫左：海膽春卷、海膽蒸水蛋、海膽炒飯、四隻粉絲蒸扇貝、一打海膽刺身。
落order後，店員上左d脆魚小食比我地食住等，果d魚仔我包你食過上癮，除非你一d腥味都唔受得。魚仔脆卜卜的，而且魚味十足，size都十足！蘇脆無骨~~~唔似係supermarket買到果d日式魚仔甘癡立立，甜爺爺。之後問個店員有無得賣，佢話賣晒，下次去之前比個電話佢地落訂~~~可惜~~~
上菜速度好快，可能唔係旺季，唔係好多人！
海膽刺身：上枱時仲係 ”旭”ga …雖然係就係好新鮮，但都幾核突…佢係即開即食，要用匙括出黎食。一隻有六片新鮮海膽。味道方面，如果你要同北海道比較的話，緊係唔好食啦…但比元祿 / 元氣呢d sushi店，呢度既海膽真係比到我地驚喜！除左季節性影響外，都睇你好唔好彩la，有d海膽一味海水味，但有d有淡淡的海膽鮮味，有d直情濃味到你唔信自己食緊$24兩隻既海膽刺身！
海膽春卷：即叫即炸即食既關係，脆卜卜，熱辣辣的，咬一啖發現雖然春卷幼身，但充滿晒海膽，絕不欺場！熟左既海膽有少少似咸蛋黃味。
海膽蒸水蛋：好癡線既蒸水蛋，海膽唔洗錢甘，多到密鋪平面，呢個送飯無得頂，無奈我地食唔落白飯…美中不足既係d水蛋唔夠滑~~~
海膽炒飯：之前既已經夠晒驚喜，呢個可平伏一下高漲既情緒。海膽唔多，仲有鑊火農味！飯炒得唔夠甘香。寧願下次唔叫呢個，叫白飯撈海膽蒸水蛋好過…
粉絲蒸扇貝：嗯…可能香港越來越多食海鮮既地方，呢個扇貝真係無咩特別，又唔係特別鮮甜，可以唔洗叫，慳返個quota叫過第二d好過！
總結而言，呢度係消磨一個下奏既好選擇，遊下船河 / 行下山，感受下寧靜既漁村生活，同三五知己談天說地，比你好relax既一個地方！海膽必然係主角！尤其係海膽春卷&海膽蒸水蛋，而店主自家製既脆魚小食又一驚喜之選~~~朋友們已經決定下年再黎一定要再encore呢兩樣！但其他海鮮就只係配角…
對於海膽，請用made in HK既心情黎面對會有驚喜，如果用果d $600一隻既北海道海膽黎比較既話，你定必失望。希望下次去會有高水準既海膽新菜式，以及加d例如參觀古蹟，水上活動…或者船既班次密d…等等，總之唔好淨係食同食完等船走的話，一定會再吸引多d人黎~~~
Post
