OMG Chicken (Closed)

放假去將軍澳海濱散下步，唔講唔知開咗咁多食肆！係donki嘅商場出面有一列商店，抱住八卦心態行入d，見到一間omg chicken 門口掛住隻尖叫雞咁有趣，就吸引咗我去食。店內整潔，光線充足，有單人吧枱，夠哂私隱。自家製燒烤醬半隻燒雞雞肉嫩滑多汁，份量偏小，燒烤醬濃郁入味。OMG pizzapizza十分驚喜，餅底鬆軟得黎又有咬口。水牛芝士份量足，外賣雖然冇拉絲，但相信堂食熱辣辣味道更佳。雞肉同車厘茄配搭天衣無縫！炸雞軟骨，唐揚脆炸魷魚，薯條炸物因為外賣關係所以口感欠佳，但粉醬薄，味道正常，值得堂食再試！飲品只有汽水和橙汁，建議可以提供更多選擇。