Video
Read full review
2018-08-10
139 views
今日”友人”心血來潮想食船長。擔心星期五full booking會白行一趟就馬上打去book位，點知仲book到。今次係第二次食，坐低就決定叫三款海鮮拼盤同蒜蓉包。由於時間尚早，只有我地一枱食客，環境好寧靜，好有包場feel，個天都仲未黑哂，有少少view望下。餐廳為每位客人提供圍巾都幾貼心。三款海鮮拼盤($398)+香草蒜蓉包($55)海鮮揀左蜆、扇貝同翡翠螺，配檸檬牛油汁。喜好排序：扇貝＞翡翠螺＞蜆，食蜆既時候有少少殼碎/沙就扣左少少分。配菜有4件粟米、3件薯仔同3件德國腸，都滲有少少海鮮味，唔錯。粟米幾甜，配埋醬汁酸酸地，幾好食，又唔會好老好多渣；薯仔煮得好腍；德國腸就一般。蒜蓉包同薯仔沾左檸檬牛油汁之後有好勁既檸檬酸味，覺得好特別，幾有新鮮感，都幾好味。(個人口味: 3.2+4/10)上次食左卡疆蒜蓉汁覺得太濃味掩蓋左海鮮既鮮味，就覺得檸檬牛油汁會更好味。不過比較兩款醬汁，我覺得都係不相伯仲，蒜蓉就夠惹味，愈食愈想繼續食；檸檬雖清淡，但就好開胃，夠酸好過癮，揀唔到邊款更好味(“友人”就覺得卡疆蒜蓉比檸檬牛油好味)，下次有機會再食埋混合醬汁/胡椒牛油汁比較下。整體而言，尼間餐廳價
由於時間尚早，只有我地一枱食客，環境好寧靜，好有包場feel，個天都仲未黑哂，有少少view望下。
餐廳為每位客人提供圍巾都幾貼心。
三款海鮮拼盤($398)+香草蒜蓉包($55)海鮮揀左蜆、扇貝同翡翠螺，配檸檬牛油汁。喜好排序：扇貝＞翡翠螺＞蜆，食蜆既時候有少少殼碎/沙就扣左少少分。配菜有4件粟米、3件薯仔同3件德國腸，都滲有少少海鮮味，唔錯。粟米幾甜，配埋醬汁酸酸地，幾好食，又唔會好老好多渣；薯仔煮得好腍；德國腸就一般。蒜蓉包同薯仔沾左檸檬牛油汁之後有好勁既檸檬酸味，覺得好特別，幾有新鮮感，都幾好味。
三款海鮮拼盤
$398
13 views
0 likes
0 comments
(個人口味: 3.2+4/10)上次食左卡疆蒜蓉汁覺得太濃味掩蓋左海鮮既鮮味，就覺得檸檬牛油汁會更好味。不過比較兩款醬汁，我覺得都係不相伯仲，蒜蓉就夠惹味，愈食愈想繼續食；檸檬雖清淡，但就好開胃，夠酸好過癮，揀唔到邊款更好味(“友人”就覺得卡疆蒜蓉比檸檬牛油好味)，下次有機會再食埋混合醬汁/胡椒牛油汁比較下。
整體而言，尼間餐廳價錢都係偏貴，食物係好食，但又未去到好鐘意既程度(第一次食既時候新鮮感比較強烈)，勝在環境舒適，服務好(價錢貴就當然有返咁上下資素)。而”友人”對尼間餐廳就有好高既評價：以海鮮為主打，海鮮夠熱夠新鮮，好好食。所以偶爾都可以陪”友人”食下。三款海鮮加蒜蓉包係足夠我地2個人食，下次可以試下另一款包：香草包。順帶一提，上菜既時候廚房竟然搞錯左，俾左卡疆蒜蓉汁我地，要再等過。
Post
