圃鍋 (Closed)

今日同屋企人食飯，天氣凍冰冰最岩就打邊爐啦。聽男朋友講過佢同一班同事試過「圃鍋」，味道都唔錯，今晚我就同屋企人試試先。每位$278，仲可以加$100升級食和牛和刺身，價錢唔貴。雙拼湯底。麻辣和莞茜皮蛋。非常霸氣既海鮮盛合上枱啦！龍蝦、大蝦、鮑魚⋯會唔會太吸引呀鮑魚媽媽最愛，入口爽嫩唔乾身，唔鞋口。龍蝦係我最愛，輕輕滾一陣就食得，龍蝦肉爽口彈牙，好鮮甜再來刺身拼盤。刺身厚切好新鮮，款式仲有好多。油甘、赤身、牡丹蝦⋯款款味道都好滿意。日本鹿兒島和牛。期待左好耐終於上枱啦和牛油脂豐富分佈平均，入口牛味濃郁入口嫩滑。火鍋必備既雲吞水餃。粒粒皮薄餡料多，入口滿滿菜肉香，皮薄先最抵讚。叫左蔬菜清清味蕾。