百樂門宴會廳 (Closed)

位於商場的酒樓，專做街坊生意，固然價錢也大眾化。一圍十人食圍菜，魚翅足料，一排排，絕不馬虎。龍蝦兩食，一味芝士焗，夠大隻所以多肉，芝士撈埋伊麵底，小小溜。另一味蒜蓉蒸龍蝦，蒸既時間剛剛好，蒜蓉入晒味，配埋粉絲索晒d汁液，爽YY呀！清蒸東星斑怎可少，條魚好新鮮，剛剛熟，淋上鼔油蔥，清楚吃出條魚既鮮味。九菜一翅，加上炒飯，每人也飽著肚。食物算新鮮又惹味，最後更奉送甜品，家人紛讚好。埋單二千元有找，買給家人的那份喜悅，整體不錯。