百樂門宴會廳 (Closed)

未開席，座下侍應已經問客人要不要羌酷，真的好開心有羌酷吃，可惜d羌太老，又無蛋，d酷好濃，略嫌甜左d,乳豬脆皮.個翅就真的好希.條🐟本身不錯，可惜蒸老左，超難食，浪費。蝦球伊麵d蝦球都ok,炒帶子也合格，甜品起失敗，個芒果糕auntie話二元一件比她也不吃.紅豆沙希到無朋友。最慘食完超級口渴，d送份量不多，但是味精超多。

今早來盈暉台百樂門宴會廳飲早茶，其實這店來過多次，今天想起寫一些小心得，與眾同享。榨菜肉餅飯 $6.8飯底靚，但份量稍少，肉餅瘦多肥少，口感不錯，$6.8抵食。孖寶 (鳳爪排骨飯、薑汁牛肉腸) $24.8鳳爪排骨飯鳳爪不錯，排骨稍肥，肉質略差，飯底靚，但份量稍少。薑汁牛肉腸腸粉稍厚，但幾滑；入口味道不錯，牛肉幾香。開心煎堆仔 $10雖不是剛炸成，但幾她，尚帶脆，$10三個，抵食。紅棗糕拼薑汁糕 $10紅棗糕一件、薑汁糕兩件，少甜鬆軟，十分滋味。 

今天友人提議中午時段想飲茶慢慢嘆，於是黎左呢間酒樓試下。首先食呢個香蔥炸兩，個腸粉皮幾滑，但似乎滑個頭，變得好淋，油炸鬼就仲keep到個質感，仲有唔會鹹。評分：3/5呢個係黑椒牛柏葉，牛柏葉比較碎而且細件，食落無乜口感，黑椒味過重，個底有白蘿蔔索晒黑椒味。評分：1/5呢個賣相正常既鳳爪，味道無乜問題，只是鹹左少少，最大問題係鳳爪骨多而且骨比較尖，食落需要小心介損口。評分：2/5最後呢個菜苗餃，size一口食得晒，外皮都軟熟，唔會好厚皮，裡面有菜苗香而且餡料適中。評分：4/5呢度點心整體不過不失，不過還有可改善地方，價錢算合理。

位於商場的酒樓，專做街坊生意，固然價錢也大眾化。一圍十人食圍菜，魚翅足料，一排排，絕不馬虎。龍蝦兩食，一味芝士焗，夠大隻所以多肉，芝士撈埋伊麵底，小小溜。另一味蒜蓉蒸龍蝦，蒸既時間剛剛好，蒜蓉入晒味，配埋粉絲索晒d汁液，爽YY呀！清蒸東星斑怎可少，條魚好新鮮，剛剛熟，淋上鼔油蔥，清楚吃出條魚既鮮味。九菜一翅，加上炒飯，每人也飽著肚。食物算新鮮又惹味，最後更奉送甜品，家人紛讚好。埋單二千元有找，買給家人的那份喜悅，整體不錯。

老公生日請朋友食飯，訂咗絕對抵食，不過一分錢,一分貨，不要預計好好食，總括"可接受",最可取的是炸子雞，皮脆肉嫩。值得一讚。在OPENRICE睇到話有海境，點知我就算一個月前訂枱，都話冇窗口位，當晚只見partition將場隔開一半，可能冇客，將客人谷晒在門口位，好睇d卦,有D失望。服務參差，似乎只有上菜(黑色制服)的大姐，同年青的服務員有禮貌,有笑容，我比小費佢地兩位，竟然話唔駛? 高級一些的男女部長反而.....最估唔到我們想ORDER 黑啤，男部長竟然話"我地冇賣黑啤"CONCLUSION:依餐生日飯的確有d失望，不過都係0個句,一分錢,一分貨，What do you expect. 

原本約了朋友晚膳，可惜他因身體抱讓未能應約，所以便跟家人到附近的百樂門用餐。點了一個孖寶，裡面包括半打果皮蒸鮑魚和一個湯。鮑魚好淋，但也有點鹹，可能因為在豉汁裡煮久了。但那個蒸鮑魚的豉汁撈飯真的一流。原本的水魚湯賣完了，因此改了花𣄃參雞湯。花𣄃參味很濃，令雞湯有點苦苦的。另外還點了一個雜菜煲，裡面除了不同的時菜和粉絲以外，還有蝦、魚塊和一些貝殼類。這個雜菜煲比我想像中豐富，味道普通，唯獨是有些菜看起來不太新鮮。

好耐都無黎美孚了, 今日同阿媽黎飲個晏晝茶, 有阿太搵埋位我做呀女當然奉陪!依個位置做酒樓唔錯, 出面綠油油, 又夠寬敞, 坐得舒服! 左個排骨咸魚蒸飯, 飯粒粒粒煙靭, 排骨鮮味, 好味 魚翅灌湯餃, d料都好新鮮 ,好味! my favorite川芎魚雲, 個魚頭有d星味, 但個湯都好好味 估唔到平日都咁多人, d service都幾好, 岩曬d 呀太們

星期六嘆茶唔喺我倆公婆常備嘅節目，因為一大班人飲茶，人多試多啲點心先至夠高興。不過，今回喺多謝同區街坊兼老友池記，話說小弟錯手整燒咗支光管，搞到要成組光管換過，老友幫手搞掂，就梗喺只收材料，唔收人工 ，所以，就約佢飲餐早茶多謝佢，酒樓就當然方便佢揀佢樓下嘅百樂門 。大朝早7:20am由小弟先去攞位，依啲時段，根本上你想坐邊度都得呀！就連啲員工都喺啱啱返無耐，見唔少老茶客自己動手沖茶 。雖然，依間百樂門啲嘢食就一般般，不過，就幾鍾意佢個環境，因為闊落又樓底高，都幾好坐 。飲早茶就有樣好，抵食，有唔少優惠點心，$6.8一客章魚肉餅飯、$10一客鳳爪排骨飯、$11一碗金粟肉碎粥……等等 ；仲有個假日早市超級孖寶，$24.8一份，一客粥粉飯配一款點心，喺咪都好抵吓。以上優惠點心及超級孖寶逢星期六、日、公眾假期（7:30-10:00am）供應，當然，計埋茶位、加一，平均三十左右都可以落樓。最後，我同老婆，加埋池記，一行3人，叫咗兩客孖寶，再加兩款點心，好夠食。孖寶揀咗金粟肉碎粥搭鮮蝦菜苗餃，以及家鄉炒米粉搭蜜汁叉燒腸，喺睇落最貴嘅組合。而山竹牛肉球及香煎蘿蔔糕亦喺兩款啱食又抵食嘅超值點

連鎖店大集團我一向覺得不值一提。百樂門吃過無數次，也沒打算一談。今晚這場飯竟有驚喜:通菜炒牛肉竟有鑊氣，熱騰騰，通菜炒得很云，每箸都coat 滿腐乳汁，許久沒吃到這麼好吃的通菜牛了。三杯雞煲上，啫啫聲，雞有胸肉肶肉，件件爆得焦香，伴着爆透的乾葱蒜吃，色香味俱全，妙品。沙嗲粉絲蟹煲略嫌watery, 蟹件頭加肉厚，爭回分。竹絲雞湯被有趣的侍應強調多攻無味精，我想無味精在這時代不是理所當然？結果湯頭不錯，湯渣的豬踭十分滑，不捨不吃。不好吃是欖角冰梅骨，兩種濃味不協調，醬汁也太多。冬蟲草花蒸班片竟有蒜蓉，又有薑絲又有金菇又有雲耳，奪去班的滋味。

晌美孚有兩間百樂門，一間近荃灣線就地鐵上蓋嘅百樂門囍宴，另一間則近西鐵線嘅百樂門宴會廳，小弟由屋企行去，兩間都喺咁上下距離。不過，我就鍾意去後者多啲，因為基本上唔使等位 ，而且高樓底，環境比百樂門囍宴更闊落寬敞，至於食物水準，屋企人話百樂門囍宴好啲，我就覺得兩者差唔多。眾所周知，百樂門都喺專做婚宴，所以個場都裝修得美輪美奐，酒樓正中間「主場」樓底超高，吊晒一連串巨型水晶燈，另一則位置又可間為獨立廂房，幾彈性。雖然位置俾人感覺有啲吊腳，但間唔時都真喺見人晌度擺婚宴。是日，同老婆，拉埋舅仔落嚟輕鬆嘆茶，一餐頂兩餐，早餐+晏晝。先嚟5款點心，唔夠再叫！影低個「消費指南」俾大家參考，另收茶錢$8位，上枱小食又$8碟，加一服務費就更加喺指定動作啦 。啲點心又上得幾快，等十零分鐘，就近乎一次過上晒，OK，起動！ 香煎芋頭糕（優點）$10.8第一碟嚟喺香煎蘿蔔糕，不過唔敢食，因為嚟錯呀！哈哈！我哋都怕喺自己剔錯，再問一問侍應喺嚟錯定剔錯，查番單喺佢哋錯，快手即換。芋頭糕都唔錯，芋頭幾粉香，糕身又唔太削，煎得都挺香脆 。 咸水角拼春卷（優點）$13.8做人要有優點，嗌點心就要揀優點，午市都有

今日出糧, 心情輕鬆, 與四位同事外出飲茶, 吹吓水. 同事都是慳家人, 所以點的都是午市優惠點.燒腩仔飯是一碗飯加一碟餸, 燒腩仔的皮夠脆, 沾上介辣醬, 是美味的. 白飯飯粒分明, 軟腍適中, 幾有口感. 油雞飯是雞髀位, 正！肉夠滑, 皮亦不厚. 金錢肚夠腍, 很惹味, 份量亦適中. 蝦腸粉點了二碟, 大大隻蝦, 有翠肉瓜片, 腸粉亦不算厚, 將腸粉浸透在有少許甜味的豉油中, 味道幾好.. 燒賣有四大粒, 每粒燒賣頂都有一隻大蝦, 賣相很好. 因為唔夠分, 無得食, 唔知好唔好味. 湯鮮竹卷點了二碟, 放了湯的感覺好似健康些, 沒有醬汁, 少了肥膩感. 山竹牛肉有三大粒, 混了少許馬蹄粒, 味道是可以的.馬拉糕算幾鬆軟, 甜甜哋, 幾好.蘿蔔糕共三件, 都有點厚度, 沒有切得太薄或者崩角的情況出現, 不過煎得可以更透, 口感會更好. 這裡沒有人多擠迫的環境, 所以一邊嘆食物, 一邊傾傾講講, 間唔中又望吓電視節目, 有忙裡偷閒的感覺.

上次同啲美孚老友晌度食生日飯，感覺唔錯，無論環境同味道，印象都幾好，所以，今次屋企人有啲小慶祝，就係舅仔完成晒個課程，再拉埋姨仔，近近哋4個人就過嚟再食番餐。今次係閒日幫襯，明顯客人較少，所以，環境比較清靜，真係少有食中菜可以咁靜局。有優惠嘅，當然要食盡佢啦，所以又係好似上次咁，先嚟「晚飯3選2三寶」，揀咗芝士龍蝦球伊麵（$48.8）同原隻鮑魚有機雜菜煲（$68.8）；而上次試過嘅香脆拔絲骨，正價餐牌有見，不過就賣$65喇，因為試過確係幾好食，所以再下一城；跟手加多碟椒絲腐乳炒通菜（$48），4個人計，應該好足喇！香脆拔絲骨賣相同上次差唔多，麥糖拔絲鋪滿脆炸排骨之上，水蜜桃伴碟，搶眼依然。不過，感覺無上次咁好食，脆漿炸出嚟效果有啲腍，拔絲糖漿較上次為稀，少咗拔絲效果，但味道仍覺OK。椒絲腐乳炒通菜一到揀炒菜，啲人硬係鍾意點椒絲腐乳炒通菜，無他嘅，通菜爽口食落索索聲，椒絲腐乳炒起嚟又夠惹味。可惜，今次跟上次一樣，椒絲同腐乳都落得唔夠狠。原隻鮑魚有機雜菜煲大大煲雜菜粉絲煲，又加埋啲冬菇、秀珍菇，份量十足，湯頭清甜。而煲面就係個菜嘅重點，有3粒原隻鮑魚，每隻都有成兩隻手指大細，收你六十零蚊一

一餐生日飯，一拖再拖，拖咗幾個月先食。因為我哋幾家人都算係美孚街坊，地點就揀咗係屋企附近嘅百樂門宴會廳，另一個原因係依度年初搞咗一大輪裝修，同埋轉咗大集團做，即管又睇吓佢哋嘅手勢。雖然轉咗手，但都仲見到啲舊伙計喎。不過，依家由大集團做，感覺成間嘢好似醒神咗好多。我哋訂早少少，怕人多，6:00pm到，果然無乜人，好似啱啱開鋪咁。就算去到7:30pm，望落都只係七、八乘滿，始終佢個位置確實有啲隔涉，偏埋美孚一角。但係，裝修後環境真係正好多，少咗啲柱位，掛咗幾盞大型水晶燈，加裝彩色射燈，又搭晒台，擺明車馬專攻婚宴生意。初頭都覺得因為位置問題會係先天不足，擺酒席唔多搞得起，估唔到近依個月都見有人晌度擺酒，其實識行嘅，去美孚西鐵站都係5分鐘左右，行去美孚荃灣線亦只不過10分鐘啫。依間百樂門長期推出「晚飯3選2三寶」，每枱客都可以晌3款特價小菜中揀兩個，今期嘅三寶有香脆拔絲骨（$38.8）、叉燒皇（$48.8）同帶子三層樓（$48.8）。精打細算嘅港人通常都盡享依啲優惠，因為同枱係慶祝三個人生日（應該係補祝），所以，預咗食得豐富啲，故此再加個老火湯及4個小炒，肯定食到飽飽，因為我哋都係5個大人1個

見佢新開又有特價點心，$3.80 盅頭飯，就去試下啦。$7 @ 茗茶 : 價錢唔算平，但係真係淡如水，我地揀左飲普洱，都叫好彩，因為普洱點都會有d 顏色，唔係就真係以為自己飲緊清水 $3.8 盅頭飯 (鱆魚肉餅飯)，限一人一盅，我地先叫一盅，味道唔錯，飯亦係一粒粒，唔會一pat pat 咁，咁就encore 啦，點知出事。第二盅極腥，水準如此不穩定，實在有點那個..其他點心:蝦腸 ($13.8) 味道唔錯，腸粉有少許彈性 鴨腳紮: 芋頭好粉，好味 五香咸肉粽 ($13.8): 綠豆夠粉，可惜唔知加左咩調味料，個味好怪好難食 蘿蔔糕: 普通酒樓水準，用粉開，削削地，不過不失潮州粉果: 花生好爽，西芹好香，唔错 總括而言，咁既價錢不妨一試。但由於水準唔穩定，隨時今次覺得唔錯，下次難食到嘔。同朋友黎或作為慶祝節目就免了，隨時掃興!另外，夥計嚴重不足，或者係最低工資作怪。近期食肆普遍現象，要搵人加水或者收點心籠要俾d 耐性。