御膳

Open Now

Now Closed

等到頸都長終於開晚市，當然要約埋老友食好D同飲番幾杯吹吹水啦，朋友介紹呢間位於工廈既隱蔽中式私房菜館，菜式選擇多，海鮮新鮮且份量十足，今晚一定好滿足😁大蜆雜菌豆腐湯每粒蜆都大大隻又無沙，魚湯底鮮甜，配豆腐雜菌好夾👍🏻麻辣鹵水拼盤有豬腸、牛肚、青瓜，炆得好淋入味，小小麻辣好醒胃，送酒一流🍻花雕雞油蛋白蒸大肉蟹嚟到巳勁香，雞油蛋香好滑，肉蟹份量亦唔細，啖啖肉好滿足😋上湯花龍蝦龍蝦當然係重頭戲，大大隻咬落彈牙，麵炸得脆脆，吸哂上湯龍蝦精華，超正🤤金湯海皇翅湯頭非常鮮甜，同平時婚宴食嘅爭好遠，翅既份量唔少，非常美味嘅湯羹💯荔茸百花卷百花卷做得好酥脆，外脆內軟，非常出色🅰️