Video
Read full review
2019-03-26
1198 views
餐廳有指定次序上菜架小食->刺身(冇得添)->雞煲->打邊爐->每人一件芝士蛋糕每一輪野食都可以添，但係如果上左下一道菜就冇得返轉頭食，係有點奇怪架。聽聞小食係會不定期轉架，巧合地我一個月內食左3次家嫂。3次的小食都係素鵝，會按人頭份量提供，新鮮熱辣炸架！可以添加，不過派晒就冇架啦！食唔晒的話可以添半份～之後就上刺身啦，3次食都有少少唔同食材，但主要都會有三文魚，油甘魚，海膽，牡丹蝦，八爪魚。有時又會有墨魚仔/蟹腳。雞煲，調味不錯，有得揀辣度，我個人認為中辣都唔辣（不過我本身嗜辣架）。會附送埋豬皮豆卜，早些放入煲會比較入味。同樣地可以添加雞，一份/半份都得。打邊爐，如果細檯就會有哩款中式設計的煲，有好多款唔同色；如果坐大檯就要用嵌入式的爐。湯底個人認為比較淡，不過可以用盡佢個醬料區（超多選擇，下面再講）。所有海鮮同蔬菜都係任食架，肥牛除外。牛都好有質素架，好林。不過就唔係次次有鮑魚啦，有一次平日黎食，問侍應有冇鮑魚，佢答我好耐都冇啦（事實係我10日前先係度食過）海鮮主要有蠔，蟶子，蝦，帶子，蜆，蚌類。蝦超生猛，一拎開蓋，就即刻跳黎跳去。最後的甜品好有驚喜
小食->刺身(冇得添)->雞煲->打邊爐->每人一件芝士蛋糕
每一輪野食都可以添，但係如果上左下一道菜就冇得返轉頭食，係有點奇怪架。
聽聞小食係會不定期轉架，巧合地我一個月內食左3次家嫂。3次的小食都係素鵝，會按人頭份量提供，新鮮熱辣炸架！
可以添加，不過派晒就冇架啦！
食唔晒的話可以添半份～
之後就上刺身啦，3次食都有少少唔同食材，但主要都會有三文魚，油甘魚，海膽，牡丹蝦，八爪魚。
有時又會有墨魚仔/蟹腳。
雞煲，調味不錯，有得揀辣度，我個人認為中辣都唔辣（不過我本身嗜辣架）。會附送埋豬皮豆卜，早些放入煲會比較入味。同樣地可以添加雞，一份/半份都得。
打邊爐，如果細檯就會有哩款中式設計的煲，有好多款唔同色；如果坐大檯就要用嵌入式的爐。湯底個人認為比較淡，不過可以用盡佢個醬料區（超多選擇，下面再講）。
所有海鮮同蔬菜都係任食架，肥牛除外。
牛都好有質素架，好林。
不過就唔係次次有鮑魚啦，有一次平日黎食，問侍應有冇鮑魚，佢答我好耐都冇啦（事實係我10日前先係度食過）
海鮮主要有蠔，蟶子，蝦，帶子，蜆，蚌類。蝦超生猛，一拎開蓋，就即刻跳黎跳去。
最後的甜品好有驚喜- cheesecake
唔係普通芝士蛋糕，佢係超濃芝士味，唔好睇佢細細舊，食完佢就再食唔落其他野
食過返尋味，即刻再外賣一打返屋企！
介紹埋飲品區同醬料區
絕對唔會只有豉油辣椒蔥蒜咁簡單
超多款特色醬料，主要係唔同的辣椒類
我落左花椒油，家嫂麻辣紅油，炸蒜
混埋一齊已經好似麻辣湯底味道
飲品方面，有好多自家煲好足料的紅棗水、竹蔗茅根、菊花等等，好大杯，所以都冇機會試晒。
侍應普遍都ok, 不過當我地追加海鮮，有某一兩個就好似唔係好願意落單，有待改善。
哩度的上菜方法可能未必個個都鍾意，不過食物確係新鮮，海鮮控必到。地點雖然係柴灣，但近地鐵站都算易搵架。
Post
