緣味小聚 (LADDER Dundas)

Open Now

Now Closed

☺️男友超鍾意食海鮮，佢講左好耐，終於都搵到間係專食海鮮既任食，地點係旺角好方便見佢門口都好多人排隊，有人～排隊即係好食，咁我地都放心，我地一於照等，為左食海鮮點都值得。我地今次都食得好滿足，所以係度寫返一個好評😗150海鮮任食🎖️🎖️🎖️🎖️🎖️第一轉就先食海鮮，其他都唔想理，講左咁耐終於食到啦，呢度既海鮮好豐富，大部份講得出既都有，特別鐘意食有殼海鮮，海蝦好大隻好新鮮，充滿蝦味，生蠔新鮮度十足，大大舊肉好肥，蟶子都比較大，入面既肉都好豐富，鮑魚都有得食添，好有質感超好食，龍蝦對我來講都係今餐主打，勁靚既龍蝦，未熟之前既肉色好白透，上面仲有好多蝦膏😀酸辣脆蘿蔔🎖️🎖️🎖️🎖️🎖️睇唔出呢份脆蘿蔔又幾好食，爽脆既口感加上酸辣口味，呢個味道同口感好夾，呢種辣度人人都可以接受☺️☺️川味口水雞🎖️🎖️🎖️🎖️🎖️口水雞上面有好多蔥同埋辣椒，旁邊都有晒水水雞既秘製醬料，每一口都品嘗到秘製醬料，再加埋口水雞一齊食，好惹味，佢既川味做得好正宗，同時食到雞肉既嫩滑感，好食好食🤣🤣