花椒子 (Closed)

啱啱去咗太空主題火鍋店食午餐。我地揀咗佢哋嘅海鮮牛小排二人套餐$658，好豐富。鴛鴦湯底我哋揀咗麻辣鴨血湯鍋同埋養顏花膠雞鍋+$48。湯底小香辣，啲辣椒同花椒味道越煲越出味。花膠雞窩有半隻雞，店員會幫你將啲雞剪成一件件方便食。啲牛小排幾嫩又香，我哋都係鍾意食手切嘅，因為好似有啲粗手工嘅感覺，令人食落去好有口感。三式手工丸有墨魚丸、梅菜豚肉丸、鮮蝦丸。墨魚丸有啲Q彈、蝦丸有蝦爽口感。梅菜豚肉丸好特別。海鮮拼盤有龍躉片、九孔鮑魚、海蝦、𠝹花魷魚、帆立貝、廣島蠔、珊瑚蚌、翡翠螺。珊瑚蚌有著淡淡的海鮮味道。九孔鮑魚肉質不錯。帆立貝、廣島蠔都幾大隻。蔬菜什錦拼盤有蔬菜、響鈴、炸魚皮、粟米、萵筍、薯仔片等等。跟餐白飯或稻庭烏冬或紅薯粉選二，我哋揀咗稻庭烏冬同埋紅薯粉，麻辣湯底就最啱啦。餐飲品包兩杯/罐。甜品散叫咗紅糖糍粑$48，即刻整熱辣辣。