花椒子 (Closed)

太空主題，基本從入門口到坐低，到處都系打卡位👍🏻可能因為去得晚，我哋話想打卡仲安排咗離後面拍照方便嘅台。11點閂門，10點截單，我哋9點50幾去到仲系接待埋我哋，實喺太感謝啦😚其實我系為咗冰桶去嘅🤪畢竟有邊個女孩子可以拒絕哦╮(╯▽╰)╭不過落單嘅時候可能菜單上冇，問咗佢哋話可以手動落單，實喺太開心啦！！！並且喺上菜和用餐嘅過程中，並冇因為我哋時間夜（最後一桌）或者會耽誤佢哋遲收工嘅原因，導致服務變差之類，每次上菜態度都好好，冇唔耐煩之類，對於好奇嘅地方都會耐心作答。唔知道系唔系按照甜品後上，我哋都驚佢哋唔記得或者食要時間，也系催咗一下。（畢竟耽誤人哋收工都會唔好意思嘅🤪）哩度嘅乾鍋真係要表揚下🥸畢竟天氣凍，下面會有個蠟燭一直加熱，所以全程落嚟都系暖既d菜，感覺呢d小細節用心咗😋四季豆就份量足，沒咩好講，重點心心念念想食嘅冰桶嚟咗！！！實在喺太足料，感覺唔使另外點嘢飲，直接一個冰桶幾個人分就夠晒，而且上面嘅雪條有唔同嘅味道，下面除咗冰之外，仲有涼粉，加上上面嘅冰和紅豆真嘅太鍾意啦！如果唔系時間唔夠，我一人乾一桶😝餐單仲有火鑊之類，不過呢d要時間嘅只能等時間充裕再去╮(╯▽╰)╭呢間都系

原本諗住開開心心食飯唱k，同女朋友嚟諗住聽下歌，點知啲服務態度勁差。個台勁細，一d feel都無。音響都算ok，不過音樂聲偏細。嘢食就過得去，選擇比較少，款式唔算多，上餐速度慢。最過分係，佢喺食到個半鐘嗰陣同我地講last order，咁我地就當然叫多啲，慢慢食，點知佢撘正兩小時嘅時間，唔出聲直接走嚟熄咗我地個爐，然後倒曬我地叫嘅食物。嗰度都有五、六碟食物，為咗趕客，咁樣浪費食物，真心唔欣賞。講真，你又全部吉枱，又無人出面等位，你咁早趕我地走做咩？如果你有禮貌咁善意提醒我哋，我哋自然會識做食快啲，不過餐廳就選擇用另一種方法，一方面浪費食物，另一方面導致呢篇文章嘅誕生。同埋我想講，呢間餐廳嘅主打係唱k火鍋，一路唱，一路食，就當然食得慢，咁你又要限時兩個鐘，我打電話book位嘅時候又無講，點會夠時間？我初頭以為星期六、日晚會勁多人，點知餐廳又無人等位，又咁多吉枱，都仲要咁樣趕客，唔怪得知間餐廳做唔起，搵幾多kol 嚟宣傳都無用，仲浪費埋Vsing個名。好好嘅concept，好好嘅硬件，就比好差嘅服務一手破壞。

⭐️野菌冬瓜雞鍋 $118餐廳仲有酸菜魚、魚頭鍋等等湯底選擇，不過個日想清淡啲，就揀咗呢款，食完配料之後仲有一個濃郁又好好飲既雞湯！⭐️手切牛小排 （細$238）牛肉輕輕淥熟後很軟嫩⭐️海鮮拼盤 （$238）極高cp值！有多款海鮮包括魚片、鮑魚、海蝦、魷魚、帆立貝、廣島蠔、珊瑚蚌，每款都大大隻新鮮飽滿！⭐️蔬菜拼盤 $108⭐️玫瑰冰粉 $38

龍蝦湯底火鍋是濃郁香甜的湯底，讓你在火鍋中品嚐到龍蝦的鮮味。烤魚則具有炭烤的香氣和酥脆的外皮，保留了魚肉的鮮嫩口感。將烤魚放入龍蝦湯底火鍋中煮，可以讓魚肉更入味且多汁，帶來獨特的美食體驗。這道結合了龍蝦湯底和烤魚的美食組合，絕對是一道讓人垂涎欲滴的佳餚

行完街想食火鍋，食咗個Level 2 (好似叫太空餐)，兩個人連加一收$458 (120 minutes) (星期六每人加$20)，唔駛等位。食材ok (基本牛，豬，雞，居然仲有羊), 任飲罐裝飲品，都係果d嘢，飲啤酒要加錢。環境ok (有註場歌手唱歌,水準)，大枱，坐得舒服，招呼ok(有禮貌，上菜快，收碟快)，推介龍蝦湯底，龍蝦味濃，另一推介手打牛丸，爆汁，美中不足食物選擇較少。總結，物有所值，旺角行完街食晚餐好選擇。

冬至兩公婆去食個麻辣烤魚，鹹唔到PK，啲鹽好似唔使錢咁，仲要唔提供茶水，同侍應講啲嘢太鹹，佢就同我講呢啲係師傅整嘅問題唔關我哋事我哋唔知道，呢間嘢冇下次 ！鹽油多味精又多

為先生發聲：食飯應該要開心！Sorry ，係我哋十個人唔啱，冇留意原來餐廳唔提供 <Last Call Announcement> 是應該的！因為平時食開果幾間餐廳都訂滿左，見呢間仲訂到位，滿心歡喜就試試佢。老友聚會都唔係講究食物質素，志在聚一聚吹吹水。食緊飯，吹緊水，突然有個戴口罩嘅 Waitress 行嚟， 比張單我哋， 話我哋已經食夠兩個鐘，要埋單。吓！每人加左 $59 任飲啤酒，問佢加多一杯得唔得？Order 甜品得唔得？答案係 NO！仲話已經過咗兩個鐘無得加。 我問點解你哋冇 Last Call？佢冇理我， 佢只強調話你哋已經食夠兩個鐘 ，冇得再加任何嘢。咩餐廳？Well .... 成班老友出嚟食飯，最緊要開心， 唔同你鬥氣，唔同你拗，你鍾意冇回頭客， 花椒子，應承你， 永遠［冇］下次！

湯底口味麻辣度非常足.火鍋配料，亦選擇非常之多， 色彩望落去同食落去都係新鮮嘅. 上菜速度及周邊服務員亦很快手 同有禮貌， 我哋今次揀咗第二級嘅選擇都已經可以食到非常之飽.

上個月跟朋友來到這間位於旺角雅蘭的火鍋店，店內裝飾好像去了太空一樣，非常特別！而且現場還有人唱歌，相當熱鬧！餐廳晚上有提供飲任飲食火鍋，亦可以單點食物！而我們就想試試他們的烤魚，所以就選擇散叫了！花椒香辣烤魚，他們的烤魚可以揀選辣度，我們點了小辣，辣度不算好辣，是微辣的感覺！魚是有兩斤的江團魚，魚肉嫩滑結實，不會有好多骨！湯內有大量芽菜，還有萵筍，香辣美味！手切牛小排，食完烤魚就點了些火鍋配料繼續打邊爐！牛小排份量都幾多，肉質鬆軟，牛肉味濃！手工墨魚丸，墨魚丸爽口彈牙，入面有粒粒的墨魚肉，不錯！土豆片，食烤魚必點的土豆片，土豆片吸收了湯的味道，食落粉粉的，特別惹味！午餐肉，午餐肉打邊爐必食，咸香得黎又有湯的辣味，十分刺激味蕾！蜂蜜綠茶，綠茶有淡淡的蜂蜜甜味，而且又夠冰凍，解辣一流呀！

✅設有獨立房間，夠晒private! (木星/水星/火星房，每個房型平日同假期既最低消費都吾同)✅房間內仲有得唱K，有得食有得玩，係同朋友聚餐既好地方✅餐廳除咗散叫，仲有得揀任食120分鐘——————————————————FOOD: -自選鴛鴦湯底：麻辣鴨血湯鍋｜養顏花膠雞鍋(🔥麻辣湯底夠晒足料，入面巨量花椒同埋鴨血，鍾意食辣一定要叫！｜🔥花膠雞湯估唔到咁濃郁，而且隻雞拎返上嚟食嘅時候仲超級嫩滑）-海鮮拼盤 $238(🔥集齊多種海鮮 -有魚片、九孔鮑魚、海蝦、鮮魷魚、帆立貝、廣島蠔、珊瑚蚌，食物質素都好平均，全部都好鮮甜)-牛魔王拼盤 $480(🔥想食牛，但係又唔知揀邊款，叫呢個拼盤就啱，可以咩都試吓）-手工墨魚丸 $88(墨魚丸口感超級彈牙）-豚肉花 $118(豚肉卷到一朵花咁樣上碟，賣相一百分，食物質素方面，肥美程度啱啱好，唔算太瘦都唔算太肥）-萵筍片 $48(打邊爐必叫嘅萵筍片，爽脆鮮甜）-鮮腐竹 $38(中規中矩，冇咩comment😆）-響鈴 $38(中規中矩，冇咩comment😆）——————————————————#nicefoodnl油尖旺

花椒子📍旺角彌敦道639號雅蘭中心地庫B102號太空主題火鍋烤魚店🐟除左有live brand🎸更可以一邊烤魚😋打邊爐🍲一邊上台點歌🎼唱卡拉OK🎤真係有得食又有得玩～👍🏻我今次來左食特色烤魚有辣有唔辣～多款口味任君選擇叫左🌶️花椒香辣烤魚～夠哂惹味烤魚選用達兩斤重🐟江團魚肉質滑溜～啖啖肉～少骨多肉～好味食住烤魚邊點歌🎤唔唱歌都可以聽歌👂🏼食飽飽仲可以上台唱返兩首歌😆幾好氣氛食完烤魚加湯打邊爐🍲配料選擇多不論海鮮、肉類、蔬菜定丸類都有我就叫左以下幾款～。菜肉蝦零吞。手工墨魚丸。大扇貝。冬瓜件。娃娃菜仲叫左脆炸小酥肉同紅糖糍粑😋飲埋佢地自家制竹庶茅根水～唔驚熱氣大家想食火鍋/烤魚可以來一試呢個全身體驗😆留意大廳音樂好勁～如果想傾偈建議訂包廂

身邊有不少朋友都好喜歡吃烤魚🐟，最近旺角的 🌶️花椒子 推出烤魚系列呀(⁎⁍̴̛ᴗ⁍̴̛⁎)，愛吃的朋友又怎能錯過呢～ 餐廳以辣、火鍋、仼食 及 唱K做主題🥳，吸引到一班愛K歌的朋友仔在舞台上大展歌喉😍，台下的朋友則可以一邊支持一邊直播再一邊吃東西，太滿足了～ ☆ 蕃茄濃湯烤魚🍲$328 烤魚果然不錯，原條大魚，肉質結實又嫩滑，相當鮮美，有驚喜耶～湯頭濃郁，充滿蕃茄香，又濃又甜，小朋友都愛吃～  走地滑雞件🍗$68 雞件有好多塊，雞肉嫩滑，肉質彈牙，也不錯。 ☆ 炸小饅頭🍞$48 炸饅頭是我的最愛，略為炸得過了火喉，蘸煉奶更美味。 ☆ 響鈴🔔$38 吸滿蕃茄湯的響鈴，有誰能抗拒呢～ ☆ 貢丸🐽$48 貢丸彈牙，質素不錯。 ☆ 魚皮餃🥟$38 新鮮製的魚皮餃，質感彈牙，也好吃。 ☆ 韭菜餃🥬$38 韭菜餃不能煮太久，小心煮得太腍囉～ 整體質素不俗，快點帶你愛唱K的朋友來吧～ 

呢間係鍾意食辣同唔鍾意食辣既朋友仔都會鍾意，依家lunch都好經常去食，晏就人流唔多，而且選擇好多，可以打Bino🥘或者小菜，希望遲啲可以試埋佢地既邊爐，下午茶餐好抵食，極力推介要食肥腸，肥腸炸完再炒味道好香口，味道又唔會怪怪的，而且旁邊既青椒都好好送飯🍚另外既水煮牛肉都好嫩口好滑，又唔會太辣，份量都幾多，呢個價錢十分抵食😋-佢地仲有好多唔同既套餐，有時候仲有人現場唱歌🎤或者大家夠膽仲可以自己上台跳架😆提提大家大概3點鐘既時間佢地會落場唔做生意，大家留意啦👀

旺角-花椒子 呢間嘢無論係食物同埋服務嘅質素都唔太好同朋友嗌咗酸菜金湯鍋&蕃茄濃湯鍋，火鍋配料同埋飲品選擇唔多。 以太空做主題嘅火鍋放題🧑🏻‍🚀，都幾特別👍🏻入到去坐低再揀咗Lv.2 同點咗啲配料，行出去拎嘢飲整調味料。返到去坐低之後職員同我哋講唔可以自己拎飲品，要喺張紙度落單。 本身想落單嗌個涼菜小食-七味魚皮，但係職員堅持都話喺張紙度落單，講咗三次佢哋最後上咗一份炸魚皮，好似聽唔明我哋講嘢🌝 我哋落咗啲未熟嘅嘢食落去個湯底度，只係煮咗一陣，個職員就走過嚟教細我哋啲火，令到我哋啲嘢食keep住都未熟。。。 每一次嗌啲職員，一直都冇人理。啲音樂又播得太大聲又冇禮貌🌚之後唔會再嚟食

朋友搵到一間係旺角區，有得打邊爐，又有得聽歌，仲可以點歌嘅餐廳，仲有間房可以一邊打邊爐一邊唱k，真係啱晒一大班人聚會🤩而且玩味十足，以太空人做主題，打卡一流。佢除咗有放題打邊爐，仲可以散叫。我哋見散叫可以食到烤魚，而且不限時，所以諗咗好耐，決定放棄好抵食嘅放題，叫咗條烤魚食。佢有幾款味道，因為其中一個人怕辣，所以我哋叫咗蕃茄湯底，湯底勁濃，好正😍魚嘅份量都好驚人，條魚食極都仲有，魚嘅質地夠實，亦都夠入味，如果人少嘅話基本上唔需要點太多其他嘢食，下面仲有大量嘅蔬菜類食物，萵筍、芽菜、蓮藕等等。。。全部都好入味。我哋另外叫咗滑雞件、團團丸丸(即係丸類拼盤)、蔬菜拼盤、燕餃。滑雞件份量好足，好抵食。當中最推薦呢份丸拼盤，有四款，全部自家製，最特別係梅菜豬肉丸，食落有啲似蒸肉餅。餐廳氣氛好好，最大嘅好處係可以點歌，聽到自己想聽嘅歌，而且無論男女，把聲都好好聽，全晚都好enjoy😌