The Captain's House (Closed)

喺尖沙咀每逢諗唔到食乜，我哋都會習慣行去厚福街嗰頭搵食。嗰度真係大部份嘅菜式都有，尤其H8, 簡直就好似食街一樣😆今晚想食海鮮所以就揀咗喺18樓嘅The Captain’s House! 佢哋嘅招牌菜係Seafood Platter, 見到大部份人都有叫呢道菜，但我哋有啲擔心唔夠飽所以就留返下次先試。前菜特色蟹餅十分推薦，估佢唔到咁多蟹肉。外層香脆，面頭有少少千島燒汁醬嘅味道，每一口蟹肉配上少少胡椒香，非常惹味。白酒煮青口，青口大隻肉厚，白酒好入味，底下有啲薯仔，健康得來又飽肚✌🏻香煎刺身帶子意粉🤤呢道菜係我另一最愛！帶子真係刺身及非常厚肉鮮甜，微微煎香令鮮味更突出。意粉掛汁非常入味，香草蕃茄非常醒胃👍🏻👍🏻紅菜頭沙律用了充足，成個感覺好健康，有藜麥、紅菜頭、西柚同香橙，加上適量嘅酸甜汁，星期一Go green之選🤪香煎鱸魚配紅花魚湯🙊果然係海鮮大王，尾魚一啲都唔腥，外皮經煎香後非常香脆，魚肉鮮甜入味，火候控制得宜，口感嫩滑，好快我哋就食清光😈希望下次有機會試吓佢哋嘅招牌菜，呢度嘅碟頭份量都算多，整體性價比不俗，係要預番多少少時間搭lift，晤係就更prefect😂😂