Video
Read full review
2017-05-04
208 views
#美棋B餐 - 熱辣辣嘅夏天當然係食凍冰冰刺身、生蠔最好嘅季節啦！今次要介紹嘅係海鮮生蠔專門店、仲有海膽vs海膽雪糕大比拼餐廳： 蠔灣Oyster cove 地點：尖沙咀嘉蘭圍3號地下5-6舖「美」芝蓮指數：⭐️⭐️⭐️⭐️⭐️（5星最高）價錢：HKD 400+/👤 推介食物： ⭐️除非你係對生蠔有好深嘅研究，如果唔係嘅話，我建議大家點精選生蠔（24隻，$718）：由廚師發板安排時令嘅2-4款生蠔，由淡味到濃味，今次我地試到嘅有法國有南非！聽說如果岩岩開始食蠔，南非蠔係一個好選擇，因為味道同海水味唔會太濃，而且入口都算creamy !而法國嘅蠔，裙邊同蠔身都會比較爽口，但係海水味會比較重，只不過個after taste 又會有d回甘，所以都好視乎個人喜好嘅☺️⭐️紅蝦刺身（$78/隻）：平時好似比較小機會會食到嘅蝦，蝦身爽口彈牙，但精髓在於蝦頭，因為蝦膏好鮮味😋⭐️Scampi 又名新西蘭深海小龍蝦（$78/隻）： 呢種蝦嘅味道相比紅蝦就比較淡身，但係肉質就更爽更彈，同樣地，蝦頭都係精髓所在，記得啜埋d膏呀😆⭐️法國BB蝦（$68/6隻）：呢個不得了，估佢唔到，味道同一般蝦刺身唔同，咸咸地又有鮮味，雖然
熱辣辣嘅夏天當然係食凍冰冰刺身、生蠔最好嘅季節啦！
今次要介紹嘅係海鮮生蠔專門店、仲有海膽vs海膽雪糕大比拼
餐廳： 蠔灣Oyster cove
地點：尖沙咀嘉蘭圍3號地下5-6舖
「美」芝蓮指數：⭐️⭐️⭐️⭐️⭐️（5星最高）
價錢：HKD 400+/👤
推介食物：
⭐️除非你係對生蠔有好深嘅研究，如果唔係嘅話，我建議大家點精選生蠔（24隻，$718）：由廚師發板安排時令嘅2-4款生蠔，由淡味到濃味，今次我地試到嘅有法國有南非！聽說如果岩岩開始食蠔，南非蠔係一個好選擇，因為味道同海水味唔會太濃，而且入口都算creamy !
而法國嘅蠔，裙邊同蠔身都會比較爽口，但係海水味會比較重，只不過個after taste 又會有d回甘，所以都好視乎個人喜好嘅☺️
⭐️紅蝦刺身（$78/隻）：平時好似比較小機會會食到嘅蝦，蝦身爽口彈牙，但精髓在於蝦頭，因為蝦膏好鮮味😋
⭐️Scampi 又名新西蘭深海小龍蝦（$78/隻）： 呢種蝦嘅味道相比紅蝦就比較淡身，但係肉質就更爽更彈，同樣地，蝦頭都係精髓所在，記得啜埋d膏呀😆
⭐️法國BB蝦（$68/6隻）：呢個不得了，估佢唔到，味道同一般蝦刺身唔同，咸咸地又有鮮味，雖然細細仔，但係肉質好結實，聽講法國人當花生咁食😂
⭐️車厘蜆（$38/隻）：呢個有驚喜，肉質原來係咁爽口同埋好厚身，而且仲好鮮甜👍🏻
⭐️韓國VS加拿大海膽（$168/板）：韓國海膽係細細塊細細塊，但我平時好怕食韓國海膽，因為市面上質量都唔多好，不過今次食又幾好喎，証明呢度入嘅貨又幾OK喎，新鮮鮮甜嘅👍🏻
加拿大海膽就比較大塊，味道比較濃郁，好有口感架😋
P.s. 唯一美中不足，今次北海道原隻海膽返唔切貨😫試唔到，我強烈建議大家試到一定要試！
⭐️龍蝦兩食($488) : 1. 龍蝦刺身 2. 龍蝦意粉，真係要讚下個意粉，將食材運用得好好，成隻龍蝦鉗起咗肉出黎燴意粉，令一啖意粉都有龍蝦肉，而且佢個汁味道剛剛好，唔好太油膩👍🏻
⭐️安格斯肉眼沙律（$298）：選用質量好嘅肉眼扒，火喉控制得恰到好處，牛扒肉汁滿滿，再配上洋蔥粒同黑椒汁又多咗份狂野😆
⭐️芝士帶子意大利飯（small $218/regular $318)：嘩，好靚! 廚師將帶子放成一朵玫瑰花嘅樣，未食就已經好滿足，食完仲滿足，因為呢個意大利飯雖然加咗芝士，但係一d都唔膩，食完一啖會有想食第兩啖嘅衝動！讚！⭐️⭐️ 最特別嘅時刻黎啦！
海膽雪糕！無睇錯，係海膽味嘅雪糕（$68）😱😱😱
餐廳用上牛乳雪糕做base, 加入新鮮嘅海膽碎做成呢個新奇嘅雪糕😂當然係雪糕上都有一塊塊嘅海膽同紫菜！ 師傅建議食呢個雪糕，每一啖雪糕就加少少紫菜咁食！好！有！趣！喎！
真係好新奇，味道真心又唔錯喎！
大家知要去邊度影相呃like啦🤗🤗😆
呢間餐廳用嘅食材都係新鮮嚴選，呢個質量配呢個價錢都係合理嘅😌 下次試下佢嘅online shop, 睇下係咪一樣咁好質量先😆
不過想食海膽雪糕嘅朋友，去番門市食CP值會更高啦🤗
Post
