鍾爺爺海鮮火鍋刺身專門店

Open Now

Now Closed

秋風起又係打邊爐既時候，今次同朋友去左太子呢間刺身火鍋專門店。呢度除左新鮮海鮮同靚牛之外，仲有刺身，香港人最鍾意食既野呢度有齊哂～🍲豬骨蜆鍋湯非常足料，飲落去仲有陣胡椒香味。花蛤又大又飽滿，充滿海水嘅鮮味。🐂肉類方面，牛雙拼嘅質素都好好，本地牛嫩滑得黎牛味仲好濃，霜降牛睇到d雪花都知道靚，入口油香十足。新鮮田雞即叫即劏，鮮鵝腸處理得好好，留低左少少肥膏，食落爽脆之餘仲有鵝油既甘香。🥟自家製嘅水餃同雲吞都好好味，每日新鮮包，餡料豐富，皮薄餡靚。招牌四寶丸就更加有特色，四款包括梅菜豬肉丸、鮮牛丸、手打墨魚丸同鯪魚球。每款丸都有唔同嘅口感同味道，尤其係手打墨魚丸，彈牙之餘仲食到粒粒既墨魚肉。🦐海鮮方面，生串海中蝦上枱時仲識郁，入口仲非常鮮甜。深海八爪魚鬚果種爽脆口感，一咬就食得出係新鮮即劏。🥬至於蔬菜，野生竹笙好厚身，食落好夾脆，用吸湯就一流，油麥菜同唐芹菜都好新鮮爽脆。