阿爺粥品手工涮涮鍋 (Closed)

又一個無飯食嘅晚上，朋友話荃灣開左間阿爺粥品手工涮涮鍋，所以過黎荃灣陪我食晚餐。價錢$218包海鮮拼盤同肥牛，另外再揀5樣野。由於我地都唔太肚餓，所以就無再加$30任食啦。呢個筷子太特別，忍唔住要影低。前面木果部份係即棄，由客人使用時自己裝上，而且比一般筷子長，打邊爐時唔驚熱親。店員落力推薦沙冰系列，我就點左草莓可樂沙冰。超級大杯！平時打邊爐都一定會飲可樂，呢個賣相同味道都好特別，草莓味有d似果汁糖，不錯。另外facebook like 同打卡又送刺身，咁又多樣野食啦。先介紹每枱都有嘅海鮮拼盤。有蟹，鮑魚，凌波魚，海蝦，貴妃蚌，海沙白，黃沙蜆。鮑魚同貴妃蚌都洗得好乾淨，食落易咬又鮮味。海蝦也不錯, 魚就有點腥。蜆同沙白有一大碗，我地全部一齊倒落粥底。蜆間中會食到有沙，但尚算可以。沙白就無呢個情況，而且非常鮮甜，朋友飽到停哂手，我都揀起哂黎食。蟹比想像中大隻，而且好多肉。食到蟹鉗我唔夠力開，店員主動拎入廚房用刀劈開。蟹肉鮮甜，膏好多，令粥底更加鮮味。頂級美國肥牛肥瘦適中紫菜響鈴黎到真係嘩左一聲！從未見過咁長嘅響鈴，差不多係我前臂咁長。響鈴即叫即炸，炸到脆卜卜，入面包住紫菜，惹味得黎又有層