壹蒸鍋

今日到兆萬搵食，朋友話有人推介佢去果到食火鍋，可惜 full 左要等位。於是我地就轉陣去咗佢樓下食蒸鍋啦。入面隔局都唔錯，夠光猛又唔會逼。二百零蚊就可以叫龍蝦海鮮蒸鍋同刺身，又抵喎！首先叫湯底，食完蒸鍋仲可以打邊爐，兩種食法。蒸鍋上枱時配料係生的，大約要蒸十分鐘。等食的同時，會提供一個日式小食併盤。等大家可以邊食邊等，好貼心。介紹吓個蒸鍋先，佢都都唔野少架，有龍蝦半隻、元貝、蠔、魷魚、鮑魚、蜆、蟶子同埋龍躉。陣容鼎盛，款款都新鮮好味。呢個時候當然要巡吓有乜飲品啦！都幾多選擇，汽水果汁啤酒乜都有，俾我搵到有hite 喎，飲返幾 round 送吓海鮮都唔錯。刺身有呢張，唔貪心叫幾款有 thumb up 既歎吓先。細細碟都幾精緻，仲有冰底keep 住新鮮D。當中最讚係刺身蝦同埋章紅魚，水準之上。食完蒸鍋仲可以任叫配料打邊爐，即刻叫返碟靚牛烚烚佢喇。雖然話係任食，但係D牛肉的質素都唔錯架。甜品有糯米糍同雪條㨂，試左支紫米雪條，幾特別幾好味，唔知出面有冇得賣呢？任食時間限時兩個鐘，其實都夠曬食蒸鍋＋打邊爐＋甜品 ，一D都唔會趕，仲夠時間可以吹水啤啤佢，幾好。